2013年1月3日 星期四

開心慳錢♥五大一小♥二日一夜澳門遊♥慳家篇



又來到龍媽媽今次澳門遊的最後一篇,
當然是教大家點樣去慳家啦!
上一篇講到澳門的物價愈來愈貴,
若果大家假期去,就更加貴,
龍媽媽就搵了D資料和大家分享,
等大家拿一個旅遊的醒目消費者!
首先講下坐船去澳門點樣省先,
坐船去澳門有2間公司,分別是噴射飛航和金光飛航,
噴射飛航係外港碼頭(市中心)落船, 而金光飛航係氹仔碼頭(離島)落船,
如果大家無咩要求,唔使就邊度落船的話,
龍媽媽就會提議大家乘金光飛航,
因為金光飛航價錢會平過噴射飛航,
而2間船的時間就差唔多,大約都是1個小時就會到澳門!



金光飛航今年2013年會有個生日優惠,
在你的生日月份就可以以$228買2套來回船票!
而且它是無分平日和假期,所以假期用就最抵啦!!!

如果大家唔是生日月份,但想買金光來回船票呢,
大家可以到大航假期,2日前預訂只需要$250,
唔系2日前就$260(有D大時大節就會再貴D)
http://62844992.com/revamp/

假若大家想買噴射飛航的船票,除了買套票外,大家可以買它的電子船票。


一張卡賣$370,當裡面仲有餘額時,就可以半價買船票,
早前它做優惠,買電子船票減$50,
即只需要$320買到價值$370的船票,
如果你是很多人去,起碼3個人以上,用它就好抵啦!


龍媽媽已詳細寫了咩情況用它是抵D,
大家可以參考下,
希望可以幫到大家!



在澳門有1個好處是全部賭場都有旅遊巴接送,
好似龍媽媽上次去銀河咁,
銀河有車去威尼斯人,又有車去新濠天地,亦有車去官也街,
所以根本唔洗用錢坐車,慳返好多!
但大家記得旅遊巴10點先開始服務!

講完乘車,當然要講下食方面,
澳門的食物越來越貴,如果大家想在賭場食野或者食自助餐,
龍媽媽就介紹下面的網址給大家,
龍媽媽用過訂餐卷,
無論服務定可靠性都ok!
http://www.cits.com.mo/ticket/

由於龍媽媽當日乘10點船,
加上唔想四圍撲,搵野食,所以想在賭場食,
順便方便到酒店check in,
於是就買了銀河,快富站的餐卷,
平平地$25蚊(而家加了價了,要$28)
有6個餐可以選,
味道都幾好,咁的價錢大家當然唔好要求咁高,
水準大約和茶餐廳差唔多,好大碟,有湯有水送,
唯一唔好的是要自取和無咩服務可言,
不過講真澳門的服務四處都越來越差,特別是餐廳,
(可能唔憂做!)




如果大家想食好D,它仲有唔同餐券給大家選!
仲有用銀河的餐券到銀河水晶大堂入會成為會員後仲有$50籌碼送!
咁變相餐飯仲唔洗錢添!!!


大家仲可以在個網訂自助餐,龍媽媽睇過真是幾平,
旅行社都無它咁平!

以上就是龍媽媽的心得,希望可以幫到大家!
再一次多謝大家觀看龍媽媽澳門之旅!
新年快樂!
下期預告,龍媽媽將會在3月到吉隆坡旅行,
大家等我回來再同大家分享!

開心慳錢♥五大一小♥二日一夜澳門遊♥金沙城酒店篇
開心慳錢♥五大一小♥二日一夜澳門遊♥參觀鄭家大屋
開心慳錢♥五大一小♥二日一夜澳門遊♥澳門聖誕篇
開心慳錢♥五大一小♥二日一夜澳門遊♥遊官也街