透過LEGO來看世界-太古城中心「Piece of Peace」世界遺產樂高展

太古城中心的「Piece of Peace」世界遺產樂高展相信系近期熱門話題之一，
其實龍媽媽上次經過的時候已經想帶龍哈仔去睇啦！
不過遇上星期六，勁多人排隊，所以無睇到，
今日突然有半日假期，加上個展仲有3日就完，所以今日去了參觀一下！

帶埋龍哈仔一齊參觀下由lego砌建而成的世界遺產樂高模型，

龍哈仔似乎對LEGO好有興趣，
其實龍媽媽細細過都好鐘意砌LEGO，有時會砌個別墅出來，
當然唔能夠和以上大師級的比美啦！

 

件件作品都砌得好靚靚逼真，連龍哈仔都想爬去碰下它！
但當然唔可以所以影完相，就立即抱走了！

很可愛的熊貓！像真度和難度都極高！

幫BB影相真系好難，次次都唔睇鏡頭的！

日本的富士山，不太似，不過好可愛！

日本的靖國神社

龍爸爸的故鄉-福建的土樓，幾特別的建築群！有機會要爸爸帶我回去一趟先！


單系中國的世界遺產就已經有咁多啦！

今次展都幾詳細，除了有詳細介紹各個世界遺產，仲有寫用了幾個塊LEGO和幾多日去砌成，

都幾有趣和特別的展覽，最重要系免費，絕對一個唔錯的親子活動！
以下送上展品的相先！

件件都砌得好靚，龍媽媽特別愛色彩繽紛的展品，

單睇LEGO砌的展品就已經咁靚，實際各地的世界遺產就一定仲靚！
睇完今次的展覽，又燃起了龍媽媽遊世界的決心！

龍媽媽都好想帶龍哈仔去睇下呢個萬千世界，遊下古跡名勝和風土人情，

讀萬里書，不如行萬里路，龍媽媽和龍哈仔都要努力，終有一日可以一齊去看下呢個世界！
不過都時龍哈仔想一齊結伴同遊的，已經唔系龍媽媽啦！
幸好龍媽媽仲有龍爸爸相伴！

瘋狂敗家萬寧尿片篇

睇到龍媽媽以上的標題，就知道龍媽媽又去了敗家啦！
繼上次的書展後，龍媽媽另一大出血，呢2個月實在有太多活動啦，所以頻頻出血，
幸好在上次書展出完血後，給龍媽媽中了六合彩4個字，六個彩4個字有幾多，就系640蚊，
如果中多半個字就有九千幾啦，中多一個字仲有3獎添，相差真系好大，不過都幫補了上次書展的洗費啦！

今次龍媽媽在萬寧敗了$1300的野，你話系唔系超級大出血呀？
買咩？就系買尿片啦！你可能問就快BB展，點解龍媽媽唔等埋bb展先買，
老實說bb展的優惠唔太多，價錢唔會平，最多送下贈品，而且贈品唔太豐富，
大家睇落去就知龍媽媽點解咁瘋狂，其實自從龍哈仔轉了用大碼片片後，
用片的速度真系超快，特別龍哈仔每日有2次便便，加上尿尿亦都愈來愈大包，
而大碼尿片的片數唔多，所以平均一個月要用2包半至3包的尿片，
今次龍媽媽就一次敗了十包的尿片，應該夠龍哈仔用4個月了！
所以養一個BB單系尿片和奶粉就成千蚊個月了！




以上就系龍媽媽今次敗的野了！
主要買了5包孖裝的超薄乾爽，由於萬寧無貨，所以留了貨等拿，
孖裝比包裝的平，2包228.9仲送8片的輕鬆穿，平均一包114.45，
唔計輕髮穿，就約$2塊，計埋就1.9一塊，當然藥房平D，
但如果依龍媽媽以下的買法就應該和藥房差唔多，
此外，龍媽媽仲買了Clear的洗頭水和高露潔的衛生巾！




送了以上禮物，真系送的仲多過買，有5盒Puma毛巾，5Puma襪，2P&G萬寧的禮券，
3盒除塵地拖把和2盒粟米！
總共送了十七樣野，真系送多過買！

點解可以送咁多，睇上面個表就知道點解可以送咁多，因為Pamper系P&G產品，
龍媽媽分單買就送了咁多產品啦！

龍媽媽今次買仲可以有萬寧積分添，龍媽媽分了3張單，所以有3600，
加埋買野本身大約有300分，差唔多有4000，
所以可以換到$80萬寧禮卷(1000分就可以換到1張20蚊)
你可能問點解龍媽媽唔分多幾張單，因為一來分2張單雖然多2400分，
但就無了$50P&G券，而且今日用匯豐卡付錢，$500蚊就可以回贈60蚊，
龍媽媽計過分3張單就最好，
除了有以上的贈品外，總共仲省了120蚊和有80蚊萬寧禮券！
唔計贈品，都省了200蚊！

而最大的推動力令龍媽媽家裡無位放尿片都要敗咁多尿片的原因系
買$1000pampers產品就可以送呢部麵包機，龍媽媽最近都想買麵包機，
加上第一日做Promotion，又有100部咁多，
如果贏到D尿片就差唔多唔洗錢，
算換唔到，我有咁多贈品，我都無損失，
所以在被龍爸爸責備的情況下，都一意敗了先算！
以上就系龍媽媽的敗家記，唔知大家又覺得龍媽媽敗得值唔值呢？

龍哈仔10個月啦！

真系眨下眼，話咁快就已經十個月啦！

上個月好似過了無耐，
其實自從龍哈仔出世之後龍媽媽的時間越來越充實，
最近太忙啦！明明每個月12號寫龍哈仔的成長進度，
搞到今日先有時間寫，其實龍哈仔每一日都有進步。
下個月就進步了不少！等龍媽媽寫底龍哈仔的進度先！

每日流程
龍哈仔每日準時七點幾就會起身，起身後會食七安士的奶，
有時想給粥給他做早餐，但他很有個性，食幾口就唔食，所以通常早餐都系食奶奶，
之後就會四處爬，有時會爬去麻麻房叫麻麻起身，有時會和叔叔玩，
之後就一直玩，玩到大約10點就會小睡，小睡通常半個鐘至一個鐘，
到12點，龍哈仔就會食粥仔，食完玩一陣就會沖涼，
之後龍媽媽就返part-time，龍哈仔就和麻麻玩和睡午睡，
不過午睡時間唔定，有時一個鐘，有時可以兩、三個鐘，
視乎他的心情，無錯！龍哈仔都有自已個性，
就算你逼他睡，他都唔會睡，不過中午三、四點會再食一支奶！
太約6點幾龍媽媽就會放工回家，煮粥給龍哈仔食，食完就會和龍哈仔玩和講故事，
到十點到龍哈仔就會食最後一支奶，食完就睡覺！

休息方面：每日都睡到十二個鐘以上，不過仍然人仔細細有好大口黑眼圈，都唔知點解？

飲食方面：每日兩粥三奶，有時餐與餐之間會食水果，
今個月試了西瓜、哈蜜瓜、番石榴等，都好鐘意食，其實凡系水果龍哈仔都鐘意食，最愛系香蕉！

水果方面：試過橙、蘋果、香蕉、西瓜、哈蜜瓜、番石榴、梨、火龍果、木瓜、奇異果等！
水果方面都試了許多，全部無敏感，太好啦！
之後可以試提子和車厘子等！

肉方面，龍哈仔只系食過三文魚和大眼魚，豬和雞都無食過，
你可能會問咁樣BB會唔會唔夠營養？
坦白說：台灣有許多BB食素食，都一樣健健康康肥肥白白，
依家D雞和豬實在太可怕啦！其實要吸受蛋白質都可以有其它方法，
龍媽媽唔系唔給龍哈仔食，龍媽媽和龍爸爸和龍麻麻都覺得無需要咁早給他食肉，
因為依家D肉有太多激數，龍媽媽會在龍哈仔一餐內加入很多種蔬菜，而食魚次數亦會多D，
So far龍哈仔的體重都ok，仲有肌肉添！
加上小朋友通常唔食菜，好少唔食肉！

菜方面：今個月試了紅菜頭，龍哈仔都會食，
之前仲試了好多有菠菜，紅蘿蔔，芥蘭，節瓜，南瓜，菜心，蕃薯，冬瓜，薯仔，
粟米，西蘭花，青瓜，淮山、翠玉瓜，椰菜、生菜，白菜，棷菜花！
試過蕃茄，不過有敏感的情況出現，所以整時唔食住，等1歲再試！

便便方面：每日2次以上，不過系正常顏色的便便！

行為方面：今個月又有新發展，企得穩了很多，不使扶就可以企成分鐘，
最勵害的系居然自已不使扶向前行，而家可以行到3步到，發展真系好快！
而落地又愈來愈純熟，自已爬上茶几，再自已落番來，大家放心他識得用腳落地先，好少頭撞地，
不過都要有專人睇實他，因為他愈來愈頑皮，最勵害系自已推凳仔，爬上去搞櫃的野，
而家他幾乎每一樣野都會碰，所以好危險！

牙方面：今個月又出了2隻牙在上面門牙旁！

最後連濕疹都有大大改善，唔知系因為天氣問題，還是因為沖了一個月的中草藥的效果，
總之塊臉雖然未去到又白又滑，但已經無再出濕疹啦！所以真系好感恩！
希望可以keep到落去，直至一歲會自然消失或好轉！

書展-訂閱雜誌2013敗家篇

最近最熱門的話題當然系一年一度的書展啦，其實差唔多每一年龍媽媽都會同龍爸爸去書展行下，
其實龍媽媽無訂雜志的習慣，但上年見在書展訂雜誌幾抵，單系訂閱的贈品已經值回票價，於是心想如果今年有時間不如排下隊訂下雜志睇，
點知今年書展第一日，剛巧龍爸爸又放假，於是龍媽媽和龍爸爸今日就去了書展，以上就系今次書展的收獲啦！



要訂雜誌拿比較好的訂閱禮品當然要一早到書展排隊啦，幸好會展離龍媽媽家不遠，
所以龍媽媽今日9:30已經到達會展，但已經有很多人排隊了！


如果以女士雜志來說，以下幾本系比較受歡迎的雜誌Elle ，With，ViVi，Mina ， Cheer ，Cosmopolitan, Cosmo Girl， Jessica, Jessica Code和 Marie Claire
其實龍媽媽未去書展時就已經大概比較過以上雜誌的價錢和禮物，
今年的禮物無上幾年咁豐富，而且訂閱價錢仲貴了添！
經過一輪比較下，其中比較傾向訂Elle和Cosmopolitan，
因為呢2本書平時差唔多隔期就有贈品，而且贈品質素亦唔錯！不過Cosmpolitan今年的訂閱禮物麻麻，
相反Elle就真系好抵，特別系尊貴版，所以一心想訂Elle


一年12期的Elle尊貴版只需$268，即平均22.3一期，雖然唔系話好平，但可以選2分禮物，
龍媽媽看過禮品list，每一份禮品都超過$300以上，所以單系份訂閱禮品已經值回票價！
應該無詳人會訂體驗版，因為和尊貴版只差100，禮物B隨便一分禮物都唔止啦！
再加上尊貴版先有附書附送的禮品，所以點睇都一定訂尊貴版！




龍媽媽滿腔熱誠想一早排隊，然後換上面禮物4的sarelle男裝手錶給龍爸爸，
但入到去排Elle隊，居然排到二百五十幾，排了足足2個半鐘先到龍媽媽選禮物，
以上尊貴版的禮物有好多已經無曬，只剩下龍媽媽唔需要的，不過都仲有很多禮物選！


最後龍媽媽就選了John Gilliano的香水套裝



就系以上呢一套，都價值$750，香水在龍媽媽家比較少，
雖然少用，但唔知點解給他深深吸引！

至於禮物B，去到龍媽媽選的時候又系好多都無，所以選了最實用的VS Sassoon，
即系以下一套6件的洗護髮套裝！



洗頭水最實用，單系以上幾件就要300幾，當然在藥房買唔洗啦，不過龍婆婆愛用呢個牌子，
就用來孝敬一下她吧！反正其它想要的禮品已經無曬啦！



除此之外，仲送了以上的試用裝和小禮物，不過好似無以前咁多了！



仲有個化妝袋，不過個色和個款唔系好like！
總括而言，花了$268換到以上禮物都算超值，仲未計1年的雜志和隨書送的禮品，
所以唔怪得排咁多個鐘都咁多人排。
雖然好抵，但都附出了不少時間和汗水，



龍媽媽除了訂了Elle外，仲訂了Jessica，其實龍媽媽原本無想訂jessica，
一來它禮物無Elle多，不過龍媽媽想無理由訂2本Elle，雖然一個人可以訂2本，
但龍媽媽唔會為了禮物訂2本相同的雜誌，所以就想訂其它，但其它雜誌送的都系護膚品，
惟獨jessica有Veeko禮卷送，加上當時比較少人排，所以就訂了Jessica，
原先以為訂一年$170就可以有，原來要訂2年、即系$320先有，
相對就無咁抵，不過龍媽媽都想睇多本雜誌增加下自已美容知識，
而且維起都系13.3一期，都可以接受，於是就訂了2年的jessica，送了$1000的veeko禮卷，
原以為$1000好抵，但原來只限買正價貨品，所以相信買唔到好多件，
不過龍媽媽都系用來借花敬神，敬的就系龍婆婆，龍婆婆都會買veeko的衫！



它仲送了以上贈品，不過jassica取書無elle咁方便，只可以在OK拿，
Elle就可以在7 -11、ok和商務拿，所以下年再訂都會主力訂Elle算！
jessica就觀察一下，睇下2年後會唔會再訂！



最後書展都有好幾檔做緊100 7本書，敗了幾件，
其實家裡已經有好多書了，所以無位放，要忍手，因為單系龍哈仔的Noddy教材，
就已經佔1/4間房了，都系忍下手先！

總括而言，今次書展用了$700到，不過滿載而歸！又系開心的一日，
女人就系咁敗平了和敗了自已的心頭好，就會沾沾自喜，希望大家鐘意龍媽媽的分享！

書展-訂閱雜誌2013敗家篇

最近最熱門的話題當然系一年一度的書展啦，其實差唔多每一年龍媽媽都會同龍爸爸去書展行下，
其實龍媽媽無訂雜志的習慣，但上年見在書展訂雜誌幾抵，單系訂閱的贈品已經值回票價，於是心想如果今年有時間不如排下隊訂下雜志睇，
點知今年書展第一日，剛巧龍爸爸又放假，於是龍媽媽和龍爸爸今日就去了書展，以上就系今次書展的收獲啦！



要訂雜誌拿比較好的訂閱禮品當然要一早到書展排隊啦，幸好會展離龍媽媽家不遠，
所以龍媽媽今日9:30已經到達會展，但已經有很多人排隊了！


如果以女士雜志來說，以下幾本系比較受歡迎的雜誌Elle ，With，ViVi，Mina ， Cheer ，Cosmopolitan, Cosmo Girl， Jessica, Jessica Code和 Marie Claire
其實龍媽媽未去書展時就已經大概比較過以上雜誌的價錢和禮物，
今年的禮物無上幾年咁豐富，而且訂閱價錢仲貴了添！
經過一輪比較下，其中比較傾向訂Elle和Cosmopolitan，
因為呢2本書平時差唔多隔期就有贈品，而且贈品質素亦唔錯！不過Cosmpolitan今年的訂閱禮物麻麻，
相反Elle就真系好抵，特別系尊貴版，所以一心想訂Elle

一年12期的Elle尊貴版只需$268，即平均22.3一期，雖然唔系話好平，但可以選2分禮物，
龍媽媽看過禮品list，每一份禮品都超過$300以上，所以單系份訂閱禮品已經值回票價！
應該無詳人會訂體驗版，因為和尊貴版只差100，禮物B隨便一分禮物都唔止啦！
再加上尊貴版先有附書附送的禮品，所以點睇都一定訂尊貴版！




龍媽媽滿腔熱誠想一早排隊，然後換上面禮物4的sarelle男裝手錶給龍爸爸，
但入到去排Elle隊，居然排到二百五十幾，排了足足2個半鐘先到龍媽媽選禮物，
以上尊貴版的禮物有好多已經無曬，只剩下龍媽媽唔需要的，不過都仲有很多禮物選！


最後龍媽媽就選了John Gilliano的香水套裝



就系以上呢一套，都價值$750，香水在龍媽媽家比較少，
雖然少用，但唔知點解給他深深吸引！

至於禮物B，去到龍媽媽選的時候又系好多都無，所以選了最實用的VS Sassoon，
即系以下一套6件的洗護髮套裝！



洗頭水最實用，單系以上幾件就要300幾，當然在藥房買唔洗啦，不過龍婆婆愛用呢個牌子，
就用來孝敬一下她吧！反正其它想要的禮品已經無曬啦！



除此之外，仲送了以上的試用裝和小禮物，不過好似無以前咁多了！



仲有個化妝袋，不過個色和個款唔系好like！
總括而言，花了$268換到以上禮物都算超值，仲未計1年的雜志和隨書送的禮品，
所以唔怪得排咁多個鐘都咁多人排。
雖然好抵，但都附出了不少時間和汗水，



龍媽媽除了訂了Elle外，仲訂了Jessica，其實龍媽媽原本無想訂jessica，
一來它禮物無Elle多，不過龍媽媽想無理由訂2本Elle，雖然一個人可以訂2本，
但龍媽媽唔會為了禮物訂2本相同的雜誌，所以就想訂其它，但其它雜誌送的都系護膚品，
惟獨jessica有Veeko禮卷送，加上當時比較少人排，所以就訂了Jessica，
原先以為訂一年$170就可以有，原來要訂2年、即系$320先有，
相對就無咁抵，不過龍媽媽都想睇多本雜誌增加下自已美容知識，
而且維起都系13.3一期，都可以接受，於是就訂了2年的jessica，送了$1000的veeko禮卷，
原以為$1000好抵，但原來只限買正價貨品，所以相信買唔到好多件，
不過龍媽媽都系用來借花敬神，敬的就系龍婆婆，龍婆婆都會買veeko的衫！



它仲送了以上贈品，不過jassica取書無elle咁方便，只可以在OK拿，
Elle就可以在7 -11、ok和商務拿，所以下年再訂都會主力訂Elle算！
jessica就觀察一下，睇下2年後會唔會再訂！



最後書展都有好幾檔做緊100 7本書，敗了幾件，
其實家裡已經有好多書了，所以無位放，要忍手，因為單系龍哈仔的Noddy教材，
就已經佔1/4間房了，都系忍下手先！

總括而言，今次書展用了$700到，不過滿載而歸！又系開心的一日，
女人就系咁敗平了和敗了自已的心頭好，就會沾沾自喜，希望大家鐘意龍媽媽的分享！