帶小朋友去澳門，龍媽媽覺得食自助餐系一個唔錯的選擇，一來夏日炎炎，帶埋小朋友四圍揾食都幾辛苦，加上小店的座位有限，又比較擠逼。
澳門的自助餐選擇都幾多，龍媽媽幫大家搜集了一D 4歲及5歲以下小朋友免費食自助餐的餐廳，計劃去澳門的爸媽們記得儲存好！
除了介紹一D小朋友免費食自助餐的餐廳外，龍媽媽今次教大家點樣平訂自助餐！
食自助餐一定要在預先買定，大家可以在旅行社、網上購團網等購買，價錢會比就咁walk in平上三、四成、甚至一半以上！
例如龍媽媽龍爸爸今次想帶龍哈仔一家三口去新濠影匯的星匯餐廳食自助餐，平時一個大人太約六百到，而網上買只需要$398(已經連加一)，龍哈仔未夠六歲，所以唔使比錢！最後$796，已經可以埋單，平均一個人2百幾蚊，咁的價錢咁的質素的自助晚餐在香港一定食唔到！
所以大家一定記得預先買定自助餐卷！
今次龍媽媽同龍哈仔去澳門食了一餐半自助晚餐，一餐午餐自助餐！
半自助晚餐系龍媽媽在網上的旅行網hopetrip購買的，價錢比walk in平上四成到！
如果大家無論時間格價或者去旅行社，龍媽媽會提議大家可以在hopetrip呢個網購買，選擇非常多，澳門的自助餐的餐廳，它基本都有提供優惠，價錢方面都算幾抵(龍媽媽唔知系唔系最平，始終優惠成日都會變，貨比三家系最精明的選擇)。
它只需要三日之前預訂就Ok，在網上付錢，用Visa 、Master或者支付寶都OK，付完錢它會短訊以及電郵給你，最後只需要Print張卷出來用就Ok，都幾方便。
介紹一下今次龍媽媽同龍哈仔去食的半自助晚餐先，它係位於銀河-
澳門大倉酒店6樓和庭餐廳
由於呢間餐廳4歲及以下的小朋友唔洗俾錢，
龍哈仔未夠5歲，所以龍媽媽只需買2張大人卷就可以！
龍媽媽之前在hopetrip買，一個人只需要$128(連加一)，
所以2大1小，只需要$256，每人平均八十幾蚊，真系超值！
今次的半自助餐每人可以選一個主菜，之於沙律、甜品都可以任食，原價每人要二百幾蚊，所以預先買卷真系可以慳番好多，而且環境舒適！
雖然系半自助餐，但食物的種類同質素都唔錯，有煙大文魚，燒豬頸肉，各種沙律等，
而小朋友愛吃的壽司都有，所以一定唔會唔夠飽！
湯方面就比較遜色，只有麵豉湯，不過它自家製的麵包籃就真系不得不讚。
麵包藍內有5款不同類型的麵包，有外脆內軟的，有軟綿綿的，
最重要食的時候仲係熱騰騰的，真系超水準！
主菜方面，它都有6個選擇，有燒牛、羊架、三文魚、煮蜆以及意粉等！
龍媽媽選了香煎三文魚、三文魚煎得十分香口，配上牛油汁及薯蓉，口感一流！
另外仲選了個豬肉煮蜆，豬肉蚊得十分淋，口感幾特別，平時好少食到呢個配搭，
不過味道略鹹了少少，如果用來配飯一流>_<！
最後當然唔少得有水果同甜品，水果方面有西瓜、蜜瓜及菠蘿，
甜品方面都有4款，甜品方面都系不會太甜，值得一讚，仲有小朋友愛吃的糖果！
食完真系大滿足，環境、價錢以及食物質素都唔錯，值得推介！
2017二大一小澳門親子遊-住篇(含套票介紹)
今次介紹到咁多，龍媽媽打Blog打得好辛苦，希望大家可以Like一下龍哈仔的Facebook！
