早前龍媽媽受玩具“反”斗城的邀請，參觀全港首間寶寶“反” 斗城專門店，玩具“反”斗城旗下的全港首間寶寶“反”斗城專門店剛於6月中旬正式開業。
這間全新的一站式嬰兒用品專門店座落於將軍澳君薈坊、佔地超過5,000呎，
共設有八大主題區域，包括「服飾」、「睡寶寶」、「沐浴」、「遊戲 / 玩具」、
「閱讀」、「外遊」、「禮物」及「餵食」。
為兩歲或以下初生嬰兒的父母以及孕婦提供一個種類全面及貨品安全齊備的購物空間！
龍哈仔當日玩到樂而忘返，唔捨得走，而龍媽媽亦睇中唔少戰利品！
將軍澳的寶寶“反”斗城專門店面積好大，行起來十分舒服！
依家就跟龍媽媽一齊睇下呢八大區域啦！
先來的系禮物區域，禮物區有多款唔同的特色禮物，例如好似呢個乎手印和腳印，
送給剛生了BB的朋友們就一流，又特別，又有紀念價值！
龍媽媽見網上有好多blogger都有到玩具反斗城買手模和腳模幫BB整！
除了BB產品外，它仲有孕媽媽的用品賣，例如防孕脤紋cream等等，可以話系一應俱全！
接著，當然來到寶寶最愛的餵食區，呢個餵食區的貨品都幾齊全，
除了平時我們見開的牌子之外，它仲有好多獨家代理的產品！
之後就來到龍哈仔最愛的區域，就系「遊戲/玩具」區，
裡面由木製以至電子玩具式式俱備，搞到龍哈仔好開心和興奮！
龍媽媽真系好鐘意呢幾張木桌的設計，由於龍哈仔仲細，又未識走，
平時去其它玩具店都要龍媽媽彎低腰去陪龍哈仔玩，
但呢個長桌的高度剛剛好，可以抱龍哈仔上去直接玩，
而且有好多玩具給BB隨意試玩，真系好正！
睇下龍哈仔幾貪心，一個人拿幾件玩具，雖然他無表情，
不過當龍媽媽抱開他時，連玩具到唔肯放手就知道他幾鐘意！
其實玩具反斗城的玩具龍媽媽都幾鐘意，因為有時減價起上來，真系好平！
同場仲遇上柑b添，大家當然要影張合照，兩個BB都唔知交流緊咩？
只知他們對D波和玩具好有興趣！
2個都好忙搵緊玩具玩！
D玩具選擇真系幾多，而寶寶反斗城的玩具較適合D初生至3、4歲的bb！
再來就系服飾區啦！寶寶反斗城的衣飾全部系獨家發售的，
價錢都幾大眾化，大多都系幾十至百幾，而且好colourful，
質地都唔錯，大家絕對敗得起，而他的BB游泳產品都好齊全，大家可以去參觀下！
再來就系外遊區啦！由學行車到嬰幼兒車廂座椅均一應俱全，
而且價錢都好多元化，平至幾佰元都有交易，另外仲有好多設計幾特別的BB車添，
搞到龍媽媽有D心動想幫龍哈仔換部戰車添，此外就算無display，
在店內亦可透過電子視屏睇揀選心儀產品，都幾方便！
再來就系睡寶寶區啦！
設計方便的睡床當然唔少得啦！
洗白白亦系BB鐘意的一環，監視器，浴巾等都任君選擇！
仲有自家品牌的嬰兒沐浴露、潤膚膏等！
各大品牌的尿片、奶粉、糊仔等當然唔少得！
行到累仲有座位給你坐下，休息下，仲有不同的育兒書給你睇，真系一個好貼心的安排！
龍媽媽覺得呢個寶寶反斗城真系有別於平時我們行開的玩具反斗城，
地方夠大夠闊(平時推BB車行好難行，而家行呢間店就算2間BB車行都行到)之外，
基本整間店都系特別設計給0-2歲的嬰幼兒，產品又多又齊，
一間店可以買齊所有嬰兒產品，仲有專人講解產品，
最重要仲有很多貼心的設計，真系唔錯！
而家新開幕仲有好多唔同的優惠添，首先系可以免費申請成為寶寶反斗城的星卡會員，
原先要買$200先可以做會員，而家免費，做了會員後購物更可以儲積分！
第二，憑卡購物仲可享9折優惠，優惠去到12月31日，
而依家去到8月31日買滿200仲送可愛鴨鴨一隻，真系幾多優惠，
詳情大家可以遊覽下面網址
http://www.babiesrus.com.hk/chi/
最後如果大家覺得將軍澳遠的話，在8月12日尖沙咀iSquare國際廣場又會有第二間專門店開幕，
有興趣的朋友們可以去參觀下！
再一次多謝玩具反斗城邀請！
沒有留言:
張貼留言