2012年4月8日 星期日

岑漢和律師

律師呢個項目,我們都幾遲先至搵,
因為要等所有的野confirm了先至找律師,
我們找律師到酒樓現場做婚姻監禮服務,
原因主要是除了景逸軒有個戶外露天花園可以行禮外,
亦唔希望D親友好友四圍走,
雖然價錢比較貴,大約四千,
但在政府婚姻登記處行禮亦都要租車,登記費等,
而且時間比較趕,
所以我們最後都是找律師到酒樓做婚姻監禮服務!

律師方面其實 豐儉由人,
平至2000蚊(包政府登記費)又有,
 貴至5、6千蚊又有,
而我就選了網上口牌唔錯的岑漢和律師


首先選律師大家要留意以下幾點,
第一:準時(有D律師一日走幾場,所以網上見有D律師會遲到或者趕收工等問題)
第二:說話的形式乎唔乎合你的要求
(有D律師好鐘意搞氣氛,有D好死板等等)

岑律師服務內容包括:

1) 一次結婚流程講座
2) 為新人辦理擬結婚通知書
3) 提早30分鐘到達婚禮場地以作準備
4) 婚禮儀式由雙方同意的開始時間起30分鐘內完成 ***
5) 酒店,酒樓,港九新界地區劃一收費 ( 離島除外 )


最後我們都好滿意岑律師的整體服務,
首先他會在結婚之前約一對新人到律師行見面,
之後和你溝通當日的流程,他的做法和你的要求等等
仲會預先同你講一次行禮重點,例如戴結婚戒子時唔好太快,要hold一hold for影相等
而且你仲可選擇婚姻登記處或教堂證婚模式
(教堂證婚模式即是生、老、病、死的版本)
你仲可以選擇對住張紙讀定新娘新郎面對面由律師提你誓言模式等
而結婚當日他好準時到達,
整個流程都好順暢,雖然相比其它律師是貴D
但服務真是一流,好細心,令人好放心將婚禮的證婚交給他!


他仲提供以上照片內用具:如 羽毛筆,戒指枕,結婚證書托及鋼印等
你見到白色的證書套都是他送的!好靚的!


2012年4月6日 星期五

銅鑼灣皇室堡景逸軒(上)

當決定好擺中式酒的時候,
場地便是最重要的一環,
book場地要考慮的因素很多,
很幸運我們選擇了一個唔錯的地方,
景逸軒在銅鑼灣皇室堡6樓
它最特別的地方是有一個外露天花園,
可以免費供新人註冊用
由於景逸軒在皇室堡開業了只是2年到,
所以它網上的資料都比較少,
為了令大家更加了解,
我會分(上)、(中)、(下)篇和大家一一報導它各各的環節

首先景逸軒是集團式經營,
它屬於漢寶集團,紅磡的景逸軒都比較出名了,
所以我們都放心有關它的財政

根據我的經驗,要結婚首先要決定好大日子,連日子都無,點去傾結婚的細節
然後就是結婚的場地,當你有場地,其它的細節就好好辦了
當然仲有你的預算啦!我們的預算是大約20萬!
(最後當然唔洗啦!!)

銅鑼灣景逸軒差唔多每次都會擺婚展,
在婚展訂酒席是最便宜的,
以我們為例,我們選了平日擺酒,因為平日擺酒比較平,
大約平三、四百一圍
我們擺21圍,足足可以省番七、八千,
而當時它的優惠是擺20圍以上可以減6千,
所以我們又省番一筆,而且它再無收我任何其它費用,
例如椅套等
經過我的一番努力爭取,連酒水都唔使加,
仲要是最貴的酒水plan
(連我自已都覺得我自已好勵害)
維起一圍5千都唔洗,以港島和銅鑼灣來說真是好合理,
而它送的優惠和合作的公司都是比較高級和出名的公司


首先講下它的環境先,
樓底都可以接受,唔會話太低,
裝修都比較新,因為開了2年到,
最重要是全場都無柱(所以唔會有嘉賓睇唔到台)
呢點好重要!!!
桌與桌之間又唔會太逼!
(呢個系我當日的擺設)

呢個是它的Floor Plan
其實它都Ok大,起碼可以擺三十圍,如果你擺得多的話可以考慮下!

入門口的擺設都幾好,大堂夠闊,而且電梯多!
(有四部,客人走唔會等好久)
最重要有個露天花園(可以看到維園)註冊證婚,
港島區有很少酒樓可以有露天花園證婚,仲要系free的!
可好惜,我結婚當日落雨,所以用唔到


而最好的是它有2個新娘房,
而每個新娘都有獨立洗手間,又唔會太細!!!


環境、地點一流(5個為滿分)




2012年4月1日 星期日

回禮小禮物 ~-七彩玫瑰花燈






 回禮小禮物相信是其中一種我們結婚最煩惱的事,
想過好多樣的禮物,例如朱古力、環保袋、餐具、裝飾盒、鎖匙扣等等,
最後都是選了這個粉紅色的七彩玫瑰花燈。

未開之前是粉紅色的,開了之後就好似第一幅圖一樣,會變七彩顏色閃
選它最主要原因是for進場用,
進場時全場開著它,d賓客拎住個燈不停揮手
非常浪漫動人!


呢個我在淘寶訂,一個只需$1.55人民幣,非常抵,
但運費就比較貴,要成$150人民幣,
不過維起上來都唔貴,我訂了250個,一個大約$700港幣,
(一個$3港幣,算平了)
最後我的賓客好滿意,都拿了回去,無留在席上,
(可能它們覺得幾新鮮,而且感覺上唔平,香港有D地方賣成$20個!)