2013年6月28日 星期五

龍哈仔買鞋記-準備學行了!


其實最近龍媽媽比較得閒,因為part-time的工作變得輕鬆,所以很多時都準時放工,
大家最近系唔系好少見龍媽媽打blog呢?全因為龍媽媽和龍哈仔戰敗了,
齊齊傷風感冒睇醫生!
龍哈仔最近學識唔洗扶住野都可以企啦!當然唔會企得好耐,但都企都2、3分鐘,
仲可以一路企一路拍手掌添!
所以龍媽媽相信龍哈仔差唔多可以學行啦!
不過龍媽媽唔心急,因為專家話爬多D和耐D對BB的手腳平衡和智力等有幫助,
所以龍媽媽都唔急住教龍哈仔學行!
原本龍媽媽都無想過咁快買鞋仔給龍哈仔,不過咁的價錢又真系好難忍得手,
話說龍媽媽有日又去北角行街,在北角和富中心長期有Toonsland的特賣場,
小朋友的衫、褲都低至4折,龍媽媽當日就去尋寶啦!
衫方面早前龍媽媽巳為龍哈仔敗了唔少,
所以都系睇下有無其它平野,點知給龍媽媽發現它的BB鞋做緊特價,
原鞋一對$139的BB鞋,龍媽媽一定唔會買,
但四折後只不過系五十幾,當日仲要再有折,全部BB鞋只需要$49,
咁的價錢街邊都要,更可況系有牌子的,所以最後就敗了上面2對鞋!

它的BB鞋size分5個,龍媽媽就買了一對5號和一對6鞋給龍哈仔!
因為龍媽媽系留給龍哈仔一歲穿的,
所以買大少少亦無妨,
加上龍哈仔系大腳八,穿四號剛剛好,無位剩,
如果穿襪真系要買大少少先得,不過它的size總括來說都無偏大或細,都fit到大部分BB!

第一對選了thomas藍色鞋仔,質地都好軟和輕,個鞋底系較底,都幾好睇!

第二對選了sales姐姐推薦的elle涼鞋,系硬底,個款唔系太可愛,
不過勝在易穿,一套就穿落去,幾方便!
大家有興趣都可以去睇下有無自已咁心水的產品,
雖然系特賣場,不過長期特賣而且D size都ok齊,由BB到十歲八歲的童裝都有,
質地都唔錯,可以說系街邊的價錢,百貨公司的貨,ok抵買!

2013年6月23日 星期日

學肥媽用一百元煮西餐



最近龍媽媽的part-time比較得閒,有時間可以煮返幾味!
唔知大家最近有無睇肥媽的節目呢?都給了好多煮平菜的idea給我們!
在而家物價咁高的時候,一百元其實煲一煲湯都已經無了,
更可況系煮西餐,而家龍媽媽就教大家用一百蚊煮一餐西餐!
有香煎秋刀魚,香菇炒三色椒,焗芝士茄汁豆薯蓉和焗芝士白汁雞柳意粉四個菜,
夠曬一家大細食啦!
以上菜式都系懶人和初學的菜式,特別適合唔識煮飯的朋友們,
完全無技巧可言,龍媽媽都教識了十幾歲的龍妹妹煮以上幾味!
希望給D idea大家啦!


先來香煎秋刀魚,平時在街上食一條秋刀魚平極都要十幾廿蚊條,
但其實秋刀魚在街市賣好平炸,百佳惠康都有食賣,不過貴D,2條十幾蚊,
最平系佳寶,以上一大碟秋刀魚,有6條都系20蚊,
加埋1個檸檬都系22.5!抵呀!又平又香口!
買返來洗乾淨,再用鹽醃下秋刀魚,最後煎下它就食得!食的時候加D檸汁仲好味呀!


香菇炒三色椒,三色椒除了有營養外,炒起身又甜又脆,配埋香茹就非常好味!
三色椒和香茹兩種加埋12蚊!抵呀!呢個仲可以做稍後意粉的配菜添!



焗芝士白汁雞柳意粉,龍媽媽呢個用了懶人招數,就系個汁用了罐頭湯了,
如果自已整白汁,咁的價錢一定整唔到,所以為了慳時間和錢,用了白汁雞柳罐頭湯!
煮法好簡單,先將意粉煮淋,大約煮10分鐘到,再將罐頭湯和意粉混埋,
最後將意粉倒入錫紙盤中,再加入剛才炒的香菇炒三色椒做配菜,
最後佈上芝士放入預熱了的焗爐焗20分鐘就得啦!
罐頭湯$12罐,意粉$10一包,用半包就ok啦!(已約夠4個人食)
芝士一包14.5(佳寶最平!)



最後有小朋友最愛的焗芝士茄汁豆薯蓉,薯仔兩斤已經可以整到好多薯蓉,
煮法系先將薯仔去皮切粒,再用熱水煮淋,再將煮仔放入攪伴機攪到變成蓉,
在攪好的薯仔中加入胡椒粉、鹽等調味,之後再因應薯蓉的濕度加入牛奶,
最後整好的薯蓉放在錫紙盤上,再在面上佈上罐頭茄汁豆和芝士,再放入預熱了的焗爐焗15分鐘就ok!
2斤薯仔$10,鮮奶一盒$4,罐裝茄汁頭$10,芝士用焗意粉剩下的就ok,而錫紙盤就$12有6個!

今次共用了$107,不過錫紙盤、芝士等系用唔曬的,可以留下次用,
所以維起大約一百蚊到,如果大家有焗盤仲唔使買錫紙盤添!
當然整出來唔止以上的份量,焗芝士茄汁豆薯蓉,以上的份量總共焗到3盤,意粉都焗到3盤!
所以一定平過出面食!仲好好味添!其實整法真系好簡單!大家可以試下一齊整!

2013年6月21日 星期五

Neogence毛孔淨化系列blogger event



今日龍媽媽參加了由莎莎所舉辦的Neogence毛孔淨化系列的Bloggers event!
其實龍媽媽好少參加美容產品的event,今次很開心可以出席,真系多謝SASA的邀請!
今次event介紹的產品系台灣三大品版之一的Neogence
Neogence唔知大家有無聽過?它的玻尿酸產品就相當出名啦!
而今次的發佈系它的全新毛孔淨化系列!
皮脂平衡水凝膠Anti-blemish Treatment Gel 50ml    
粉刺溶解精華Extremely Off-heads Serum Ph5.5 15ml    毛孔淨化潔膚凝膠Pore Purifying Cleansing Gel 125ml   
   毛孔緊緻精華
Extreme Pore-reducing Serum 30ml 



在活動未開始前龍媽媽去了做個皮膚的測驗,睇下毛孔的情況,
最近龍媽媽的工作壓力比較大,所以毛孔變得好粗,又有痘痘!得出來的分數當然好低分,
睇上面龍媽媽的鼻的毛孔有幾多黑頭和毛孔幾粗就知道龍媽媽的皮膚有幾差呢?
特別系去黑頭方面對龍媽媽來說真系個難題,所以希望Neogence新出的粉刺溶解精華可以幫到龍媽媽啦!


未開始前,飲杯紅蘿蔔汁先!無糖!夠fresh和健康!


今次的活動請了該品版的醫學博士,謝博士為我們講解最新的全新毛孔淨化系列優勝之處!
仲用了兩個實驗來測試證明它的優點!


首先系用pH試紙,試下它的PH值,原來人的皮膚的pH值系5.5,帶弱酸性,
而毛孔淨化系列的ph值亦系5.5,從上述的試紙可以見到Neogencs的試紙無咩變色,
而其它品版的紙就有,其實龍媽媽知道市面上的收毛孔產品系帶極酸性,
龍媽媽呢D敏感皮膚一用就會變得好紅和出痘痘,所以龍媽媽比較鐘
不傷肌膚的產品!


而下一個試驗就系試全新毛孔淨化系列控油方面,
塗了一層薄薄的皮脂平衡水凝膠,再用面油紙測試,真系一D油都無,好乾爽!
單系呢2點都足以令龍媽媽愛上呢個系列!


之後仲玩了2個遊戲,雖然拿唔到獎,不過志在參與!



聽完博士的講解和玩完遊戲後,大會貼心地送上精美的茶點給我們,幾好味!


仲有焦糖燉蛋,真系引死為食的龍媽媽啦!
今次的活動真系安排得好好,大會仲送上粉刺溶解精華給龍媽媽試用,
等龍媽媽試用完再和大家分享,希望可以同士多啤梨鼻byebye啦!
再一次多謝sasa邀請!


2013年6月14日 星期五

龍哈仔九個月啦!



龍哈仔9個月啦!龍媽媽好似剛打完8個月無耐,又打9個月的成長了!
龍媽媽上網找了9個月的BB成長發展,等龍媽媽對比下龍哈仔的發展如何先!

牙齒:小兒乳牙開始萌出,大部分在6~8個月時,最早的可在4個月,晚的可在十個月。
 (ok!龍哈仔在七個幾月就出牙了,而家都系得4隻牙仔)

小兒試著獨站,抓住欄杆能站起來,並能從站立姿勢坐下,從坐位躺下和臥位坐起,能靈活地爬行。
(ok!龍哈仔已經識站,有時唔洗扶都可以站都十幾秒,而爬方面仲越爬越快添!)

會從抽屜裡取出玩具,用食指和拇指捏起細小的東西,知道尋找掉在地上的東西。
(good!龍哈仔而家識得自已在碗裡拿星星餅來食,而且食得好好,就算星星跌在衫上,都識得自已搵返拿來吃)

嘴裡不停地發出聲音。能聽懂幾個較複雜的詞句,如「再見」等。
(ok!嘴裡不停發出聲音,特別系抱他睡的時候,龍媽媽叫他byebye時它有時都做到byebye的動作!)

聽到禁止的聲音便停止運動。看見熟人會把手伸出來要人抱,喜歡和成人『藏貓』。
(ok!聽到唔好和No會停一停睇下你,但停完後會繼續他的壞行為,見到龍媽媽想抱他,會爬過來和伸手!)

出生9個月的寶寶喜歡和大人一起玩遊戲,喜歡聽大人對他的言語行動表示稱讚和喝彩。
(ok!龍哈仔好鐘意和大人玩,見唔到人會大哭,鐘意人讚他,讚完他會笑得好開心!)

寶寶這時候已經會揮手來表示「再見」,拍手表示「歡迎」。
(good!識揮手,識拍手,龍媽媽覺得呢樣系今個月龍哈仔最大的進展!)

有時,他會對物體的不同形狀構造發生興趣而對這個物體進行仔細地觀察。
(poor!呢樣龍哈仔似乎仲未做到!)


其實在行為方面,龍媽媽無擔心過龍哈仔,你睇最近越來越多表情!



但在飲食方面,龍媽媽就比較擔心,因為龍哈仔有濕疹,所以有好多野食都要大過D先試得!
而龍哈仔就唔鐘意食固體食物,除了香蕉外,最鐘意飲奶奶,
其實龍媽媽想一歲後幫龍哈仔戒奶,因為奶比較易致敏,
但龍哈仔體重比較輕,人們話戒奶後會瘦好多,
所以唯有努力給多D耐性給他,希望他會鐘意食固體食物啦!

2013年6月12日 星期三

端午自家福建粽



端午到了,祝大家端午節快樂!
今篇將會由我龍爸爸客串一次,介紹自家包製的福建粽!
哈哈哈,好開心可以客串寫一篇家鄉美食!

福建粽和廣東粽大大不同,
自家粽的材料有眉豆、粽葉、蠔乾、香菇、五花腩、米、蒜頭,芋頭!
以上就系今年的材料,大家可以隨意加配自已喜歡的材料,
或者可以加蝦米、粟子等!
其實要整一隻好味的粽,工序真系好多和繁複,不過整出來的粽就好味、健康和足料過出面買的粽了!
在未包粽之前,有先下的工序要預先做的!
首先粽葉要先浸兩天,仲要洗乾淨!
而眉豆要浸一晚以上,五花腩要先炒和調味,蠔乾和蒜頭要爆香,香茹都要先浸水等,
而以下龍爸爸會記下龍麻麻整自家的粽的工序!


龍麻麻話整福建粽最重要的系米,先把米浸兩個鐘以上,咁樣D米就會更加容易煮熟和入味!
用完的米水,千萬唔好倒,因為米水好有用,可以洗地,洗菜等!
龍麻麻千叮龍媽媽不要倒米水,要用來洗地(用洗米洗地,地板會好乾淨)


之後,福建粽和廣東粽唔同的系福建粽會炒米,
如果想隻粽好吃,米一定要炒得好,炒得均衡!
首先將蒜頭爆香,備用!
之後落油,落糖加熱,倒米落鍋開始炒(糖的作用系調色),
途中加少許生抽(都系作調色調味用),
當米炒到顏色均衡後,就可以加入眉頭、蠔乾和蒜頭等材料,
將所有材料炒到均衡就完成炒米的工序!
包粽其中一個吃力又辛苦的工序就系炒米了!



以上就系處理好的材料了!
材料準備好,就可以包粽了!


以上就系龍麻麻包粽的過程啦!龍麻麻手勢又快又熟,真系有排學!
唔夠幾下就包好了(唔知龍媽媽學唔學到?好彩今年有錄底龍麻麻包粽的過程,
唔識都可以睇返,希望自家粽可以一代傳一代啦!)



以上就系完成品了,真系可以比美出面買的粽!
包好後要用水煮一個鐘以上!
自家粽最好味的時候就系煮好2個鐘後!
每年最期待的時候就系龍麻麻包的粽,因為出面買唔到,好吃又溫暖!
使龍爸爸我小時候舅父帶我去食粽的溫馨場面!

下年龍哈仔就可以陪我們一起吃粽了!哈哈!
下次龍爸爸再同大家分享下家鄉美食!