2013年4月28日 星期日

馬來西亞必買的店鋪之二guardian♥總有一間在你附近!



當龍媽媽提起總有一間在你附近的商店,在香港大家可能會講系seven-eleven,
但在吉隆坡,總有一間在你附近的相信會在guardian,
guardian呢個名可能無咩人會知系咩,但如果睇到上面的圖片,
大家一定知道guardian就系萬寧啦!
其實吉隆坡仲有屈臣氏,不過就無萬寧咁多分店!
差別多每一個商場都見到萬寧的出現!



來到萬寧當然要睇下有D咩化妝品和日用品系平、靚正的先!
首先如果你系Garnier的粉絲的話,
恭喜你,你可以在大馬大手入貨,
因為大馬的Garnier的價錢系香港的一半,
你無聽錯,一瓶保濕精華在香港賣最平都要$100以上,
但大馬的萬寧居然只要RM20,即系大約港幣$50蚊!
所以用開呢個牌子的一定要掃貨!
其實Garnier在香港賣的價錢在咁多的護膚品中已經算大眾化,
估唔到大馬仲平咁多!
除此之外NIVEA妮维雅都一樣勁平,都系大約香港的價錢一半,
所以在它的粉絲一定要入貨,
至於其它品牌的護膚品都系差唔多,都有平,不過都無上述的平咁多!




除此之外,來到大馬當然要睇下仲有D咩平啦!
未去之前已經知道虎標、pansdol等好平啦!
經過龍媽媽觀察後其實gsk藥廠出的產品在大馬都好平!
點平法,又系差唔多香港的五、六成都!
藥品始終唔會用太多,不過咁平買定在屋企睇門口都ok!
曼秀雷敦在大馬又系幾平,大的一支只系RM13.9,
則系35港幣一支到,咁的價錢在香港藥房一定買唔到!




最後龍媽媽敗了以上的藥品,剛巧遇上萬寧減價,
買滿RM50送減RM5的優惠卷,咁就仲抵!
龍媽媽買了司各脫給龍哈仔大過少少食,
細支裝的只需RM5,即系十幾蚊港幣!勁抵呀!
另外買了支按摩膏和虎標萬金油給媽媽,
當然仲有panadol等!
以上咁多都唔過RM100,勁抵!

下一集將會系龍媽媽的吉隆坡之旅的最後一集,
龍媽媽將會介紹一下龍媽媽買的手信!
下集見!

2013年4月27日 星期六

馬來西亞必買的店鋪之一VINCCI♥女人開唔開心都要買鞋!



終於來到今次旅程的重頭戲啦!
就系介紹一下馬來西亞必敗的品牌和店鋪啦!
其中首推的當然系大馬的本土品牌Vincci啦!
之前有睇龍媽媽的遊記的朋友應該得記龍媽媽講過大馬的入口貨貴過香港一倍有多,
但它自家本土的品牌就便宜到爆!
如果要龍媽媽用一句說話來形容Vincci,
就系街邊貨的價錢,百貨公司的質素!咁大家就可想而之有幾咁平和好!


Vinnic的分店全部在商場裡面,很多時都會有優惠,
就算無優惠,大部分的鞋都大約RM29-89!
(即系最貴的一對都洗$250港紙一對!)
而質素就同我們在Sogo、吉之島等百貨公司買的鞋一樣咁高!
最重要它勁多款給我們選擇!
高跟鞋、涼鞋、平底鞋等,總有一款你會鐘意,
而且一款鞋會有幾個顏色給你擇,仲要系齊碼添!
你話龍媽媽唔敗幾對,都對唔住自已,
由於龍媽媽在去大馬前已經買了幾對鞋,加上照顧龍哈仔好少穿高跟鞋,
否則唔敗返十對八對真系對唔住自已,
而家回想真系有D後悔敗得咁少!


除了鞋之外,仲有手袋,D手袋的質素一樣好好,全部真皮,價錢都系3-5百港幣一個!
又系超值之選!


不過龍媽媽唔想今次旅程用太多錢,加上當時未有返工返,
暫無需要D咁靚的袋,所以最後都無敗!


如果覺得上面的款比較OL、仲有D比較潮的款,質地又系好好,真皮來的,
亦只需百多元港幣,在香港一定買唔到!




仲有手飾和手表等配飾賣添,又系超平,幾十蚊有交易!
龍媽媽當日好好彩,遇上Vincci大減價,
全場貨品價錢RM30的可以減RM5,
而RM50的可以減RM10,
即系平成十幾蚊港紙以上,本身已經平,而家就仲抵!



最後友人買了上述的豹紋袋,大概$150港紙,而對鞋就$100港紙到!




而龍媽媽就買了呢對鞋,大約$110港幣到,超好穿,而且個款都幾特別,
鞋底仲要好軟,搞到龍媽媽好後悔唔買多幾對!



些外,仲買了對涼鞋,雖然個款比較普通,不過勝在平、靚、正!
大約$75就ok啦!真皮來的!$100港幣都唔洗,香港點買到呀!
所以去旅行買當地本土品牌的產品最好,又平又抵!

女士們去大馬一定要到Vincci敗一敗,而且要帶足彈藥,
否則你一定會後悔,龍媽媽就後悔中!
下一集龍媽媽會介紹馬來西亞必買的店鋪之二的
大馬總有一間在你附近的商店!
系D咩商店,下集見!

2013年4月26日 星期五

龍哈仔也試用(4)※寶寶訓練和獎勵的好幫手※


又來到龍哈仔試用的時間了,
自從龍哈仔開始食固體食物後龍媽媽開始留意會留意不同的BB固體食物,
其中最常見的當然不少得嘉寶的星星餅,
在萬寧、百佳、屈臣氏等都可以見到它的影子,
龍媽媽一早就想買給龍哈仔試,估唔到今次可以試曬所有味!
等龍媽媽睇下龍哈仔最鐘意食邊隻口味先!

嘉寶的星星餅總共有4個口味,
包括有士多啤梨蘋果星星餅 、香蕉星星餅 、甜薯星星餅 和蜜桃星星餅,
 四隻口味,除了桃系龍哈仔未試過之外,
其它3隻固體食物都系龍哈仔鐘意食的!


給龍哈仔食之前龍媽媽當然要了解一下它的成分和營養先啦!
原來星星餅系 0 Fat ,而且糖分很低,
唔怪得龍媽媽試過後都唔會覺得太甜啦,
龍媽媽最討厭一些廠家為了吸引BB食,所以將D食物做得太甜,
咁樣只會害了D BB!
打開包裝有密封設計,都幾衛生 ,
未打開前拿上手都幾輕,龍媽媽以為份量會很少,
估唔到都一瓶滿,好足料!
龍哈仔未食前,龍媽媽試過星星餅好軟,入口即溶,
所以唔會擔心BB吞食的情況!


會爬行就可以食星星餅的了!龍媽媽見上次BB爬行比賽,D BB見到星星餅就一支箭向前爬!
可想而之它幾有吸引力,等龍媽媽下次比寶給龍哈仔試下先。
龍哈仔見新野好好奇,由於星星餅比較細少,
所以可以訓練都BB的小手,龍媽媽幾鐘意呢點,
雖然玩具都可以訓練到,不過始終食物會比較吸引,
而且食了落肚都唔驚!
最後龍哈仔都完成任務,自已將粒星星放入口,
與此同時,龍媽媽仲發現龍哈仔出牙了,唔怪得流咁多口水和想咬野啦!
而家有星星餅比給咬下都幾好!
龍媽媽會將星星餅給龍哈仔當下午茶和小食,用來訓練下它手仔的靈活性!

有時龍媽媽見萬寧和玩具反斗城都會有嘉寶的星星餅做特價,
太約十幾蚊就可以買到,有興趣的媽媽都可以買給BB試下,
因為唔會好甜,用來作BB零食都ok!

2013年4月23日 星期二

瘋狂敗家之旅♥三日兩夜♥吉隆坡自遊行♥Last Day

來到吉隆坡的最後一日的旅程了,
龍媽媽已深深愛上呢個地方,可惜只有三日的旅程,
好多野都系走馬看花,龍媽媽其實有一個願望,
就系好好去世界每一個地方短住,
感受一下世界各地的風土文化,那怕住街邊,
不過對於我們有家庭的人來說又談何容易,
所有野都系空想,偶爾去一下旅行已經系奢侈!
不過做人又何需放棄,龍媽媽計劃等龍哈仔長大後去實現!
所以現在要努力搵錢先!



最後一日,由於龍媽媽坐5:45分的機回香港,
所以到無點去參觀,主要去返附近的商場作最後的血拼,
於是龍媽媽又來到雙子塔,日頭的雙子塔和夜晚的雙子塔別有一番風味,
買完手信後,返回酒店拿行李後,龍媽媽就出發去機場啦!


來到機場當然要醫下肚先,友人叫了個串燒飯,
東南亞的食物比較鐘意用蝦片伴碟,夠香口!


而龍媽媽則叫了個湯麵,超好食!
湯底又香又濃,酸酸辣辣,十分惹味,配搭脆脆,簡直多重的味道,
好好味!一試難忘!
吉隆坡機場的食物水準都唔錯,價錢一般,上面個麵大約三十蚊港紙到!


無辦法將雪條帶回香港,唯一在機場買返支作最後努力!
點解馬來西亞的雪條可以咁好味???
在呢個旅程龍媽媽一日食一支,
現在回想仲好懷念!


行下行下龍媽媽和友人居然在機場見到Harrods的免稅店,
當然要入去睇下有無野可以敗下先!



在門口見到value buy,等龍媽媽睇下有幾抵先!



D手袋都幾靚,而且幾抵!大約$300一個,但唔系龍媽媽心中杯茶,
所以龍媽媽無買,不過友人買了呢個款的杏色送給它媽媽,
系真皮來的,而且都幾抵,估唔到吉隆坡都有英國的品牌店!
之後龍媽媽仲去了睇Body shop,
未去前有網友話馬國的Body shop好抵買,
不過龍媽媽睇過都唔系平香港的好多,平大約20%到,
可能遇唔上減價吧! 



夠鐘!系時候和吉隆坡講Bye Bye啦!
你問龍媽媽有無興趣再去馬來西亞,龍媽媽會答一定有,
不過下次有興趣去馬六甲、新山、雲頂玩多D!
回程的時候又系國泰機,有welcome drink and nuts!



今次個飛機場同樣好好味!
系咖厘千層麵,幾特別,不過龍媽媽見有D機有 Häagen-Dazs 雪糕食,
而龍媽媽呢2程都無,唔知點解呢?
大約三個鐘就回到香港,
在機上睇了少年pi的奇幻漂流,
國泰機的電影都幾update,好多新片都可以睇到,正!
睇完落機,一D都唔悶!

大家可能會疑惑睇了龍媽媽的吉隆坡之旅咁多集,
只見龍媽媽不斷食,但見唔到龍媽媽的敗家戰利品,
下一集將會系今次旅程的重點,
就系介紹一下龍媽媽的戰利品和吉隆坡必去的地方!

2013年4月21日 星期日

爬行比賽-Oxford Path 親子閱讀BB爬行比賽

昨日龍媽媽帶龍哈仔參加了由Oxford Path 舉辦的爬行比賽!
呢場比賽系龍哈仔人生以來第一場的爬行比賽
除了參加爬行比賽之外,龍媽媽仲參加了Oxford Path 親子閱讀故事派對 !
故事派對在5:00舉行,而爬行比賽就系6:00開始,
所以龍媽媽先和龍哈仔參加故事派對先!



Oxford Path的工作人員用Oxford的教材和小朋友講故事,
全程用英文為主,會做配合故事內容和小朋友唱下歌、做動作和點下公仔,
不過太多小朋友參加,所以無咩互動,以聽為主!


龍哈仔一臉無奈,都唔知發生咩事!



不過都好乖,坐定定,四周維睇下!



大約半個鐘頭個故事派對就完,Oxford Path套教材都幾多,
不過價錢比較貴,由三萬至五萬,
由於龍媽媽一早買了Nobby的教材,所以都無行去了解!


之後就來到今次的重點活動-爬行比賽啦!
條跑道都幾長,總共有6條線比賽,
平時龍哈仔通常只系在屋企的廳爬來爬去,好少爬咁長的路,
加上龍哈仔未參加過同類比賽,今次系他的第一次,
所以未比賽前真有點擔心他會在起點唔爬或者爬唔完!


其實今次的比賽無分歲數,龍哈仔要同大B一齊比,
所以龍媽媽由始至終都無想過龍哈仔會贏,
爬完成程比賽已經好叻叻,
加上今次比賽無限人數,現場參加都可以,
所以龍媽媽志在參與,和龍哈仔營造一個美好的回憶!
好講返個比賽先,今次比賽龍哈仔系4號先,
在司儀未宣布開始時龍哈仔已經想爬!
龍媽媽今次只用電話和紙引龍哈仔爬,
因為龍哈仔暫時對呢2樣野有興趣!
一開頭都幾順利,起碼唔會好似旁邊的BB咁停在起點唔爬!


之後好努力咁爬,睇下龍哈仔幾努力!
不過可能第一次爬咁長的距離,所以爬一陣要停下休息下,
睇下第一線的BB已經差唔多到終點了,
不過龍媽媽覺得龍哈仔已經好叻好勁,始終龍哈仔只得7個月,
而旁觀的BB都成9個月至12個月,
大隻都大隻過龍哈仔,所以爬都會爬得快過他,好正常!


最後龍哈仔都可以完成任務,爬完全程!
龍媽媽覺得龍哈仔好叻!首先單睇相就知他盡了力,
爬曬全程,已經叻過好多BB了,所以龍媽媽以龍哈仔為榮!
今次真系一個好好的回憶和親子活動,
龍媽媽、龍爸爸和龍麻麻一齊和龍哈仔完成呢個活動!
其實BB識行就好少會爬,
龍媽媽見有D BB識行就系比賽行過去就算,
而且爬行比賽通常都去到14個月就無得參加,
加上唔系成日有比賽舉行,所以龍媽媽一見有爬行比賽就會參加,
下個月龍媽媽幫龍哈仔報了2場的爬行比賽
希望和龍哈仔有更多美好的回憶!

比賽完會有證書和禮物,不過張證書要自已寫名,
而禮物方面,講就話價值系$500,不過最後得幾片學習褲和沖涼液等sample仔做禮物!

報名容易度: (5個最高)
禮物豐富度: (5個最高)
比賽公平度: (5個最高)

龍媽媽覺得爬行比賽分大細BB組會公平D!之前龍媽媽見有D比賽會分大細B比!
如果大
下次爬行比賽再同大家報導!

2013年4月18日 星期四

瘋狂敗家之旅♥三日兩夜♥吉隆坡自遊行♥搵食篇(Day2)

好!又來到吉隆坡之旅的時間,
龍媽媽都知自已好長氣,一個旅程要分咁多篇寫,
不過無辦法,一來龍媽媽想用呢個blog來記底旅行所有細節,
等將來可以回味返,睇下相,睇下自已的遊記!
二來照顧龍哈仔之餘又要返工,無咩時間打blog,唯有分幾篇打!
不過大家放心!仲有3篇到,龍媽媽的遊記就會完,
而最後一篇將會系今次旅程的重點,
就系龍媽媽敗家記和買手信的推介啦!


好!又來到第二日行程的下半部分,
上集龍媽媽講到參觀完當地的廟後,就來到都幾出名的廠街了!
龍媽媽覺得廠街簡直系香港女人街的翻版!
所賣的野就系A貨名牌、紀念品、衫等等…
其實吉隆坡的商場、路邊店鋪好多賣的東西和香港一樣,
但價錢貴香港好多,所以唔怪得香港有購物天堂之稱,
比較過後香港的野真系又平又靚!



所以來到廠街龍媽媽都只系想參觀下,
完全無買過野,來呢度之前龍媽媽已經知呢條街系賣咩,
龍媽媽都要來最主要的目的系來食野!


原本想來試下好出名金蓮記的福建炒麵,
不過早餐太飽,加上太熱啦,
根本食唔落,所以過門而不入!



行下見到賣生果的攤檔,吉隆坡的生果真系選擇又多又甜,而且很平,
一份份包好,放雪櫃,好衛生,一份都系賣1個幾馬幣,即系幾蚊港幣,正!



正餐就食唔落,小食都仲可以!行下見到有麻糬賣,
仲有報紙介紹,而且唔貴,RM5一份(約12.5港幣)



好多花生碎,好彈牙!正!



因為當時已經去到正午,天氣實在太熱了,唔想食野,
只想坐下,嘆下冷氣,估唔到大馬都有恭和堂的分店。



食了咁多熱氣野,飲返杯涼茶消暑下火先,一杯RM2.3(即5.75),
仲平過香港少少,而家香港飲杯涼茶都要$7以上!
不過在大馬的龜苓膏好抵呀!大的系RM11,細的只系RM8,
大的$30港幣有找!
飲完杯涼茶行下附近有D批發玩具和文具的地方,
發現大陸貨,在大馬的批發價和香港的售價差唔多,
唔怪得大馬人都鐘意來香港掃貨!
行到3點幾,頂唔順返了酒店沖涼休息下再出去!



晚上當然又系搵食的時間,
由於酒店好近阿羅街,所以今晚又再次去阿羅街食晚餐!
原本第一晚想食旅遊書介紹的強記蠔煎,但點搵都搵唔到!
所以第二晚再去搵,終於在呢間西湖裡找到它了!



點解龍媽媽話搵唔到它,全因為它唔系單獨一間餐廳,
而系在西湖裡的其中一個攤檔,
在西湖呢個餐廳裡,你可以叫所有餐檔的食物,
餐牌上有齊所有攤擋的食物了,叫了後,侍應會交紙給攤檔整,
整好後侍應會將食物送到桌上!



見到有肉骨茶,當然要試下啦!它仲有很多海鮮、炒粉麵等…
選擇都好多!
由於龍媽媽和友人都唔系好大食,所以只系點了以下的食物試下!



想試好耐的蠔煎,果然名不虛傳,
蛋漿煎到好薄好脆,蠔仔又大隻又甜,
而家在香港已經好難食到咁鮮甜的蠔仔了,
配上獨特的甜酸汁,好特別,好好味,真想再三回味!
不過價錢都唔平,咁細碟都要RM13,要港幣30以上,
有大、中、小的份量可以選擇!以上當然系小的份量!



來到大馬當然要試下當地最出名的肉骨茶
龍爸爸都去過大馬玩,話肉骨茶麻麻好食,受唔到它的藥材味!
不過龍媽媽相反,覺得好好味,仲一試就愛上它添!
肉骨茶除了有肉外,仲有豆卜、菜和藥材等
龍媽媽食呢間個湯好清甜,肉和豆卜好入味,唔錯!
肉骨茶好味得來仲可以保身,大馬人系當早餐來食!
所以龍媽媽買了幾包肉骨茶的湯包返香港煲!



再次叫串燒,呢間貴過龍媽媽之前食的黃亞華少少,
RM10十串,即系$2.5港幣1串,仲無黃亞華咁好食,唔怪得黃亞華咁多人推介!



最後仲叫了福建炒麵!
大馬的福建炒麵有D怪,話濕唔系好濕,話乾又唔系乾!
總之同香港的好唔同,而且唔好食!
都系香港的大排攤好食好多!



食完行了一陣就去睇夜景了!
大家去吉隆坡一定要睇雙子塔的夜景,
真系好靚!仲可以行下SURIA商場,
都幾多野賣,不過進口貨多,價錢比較貴!



好靚的夜景,和香港有得比!
不過吉隆坡的商場好早關,大約10:00,所以無夜街去,
第二日的行程完了!
想睇返之前的行程,可以到下面!下集將在龍媽媽在吉隆坡的最後一日!