龍哈仔@龍媽媽: 5月 2013

2013年5月27日星期一

❤ 龍哈仔穿搭文-這個媽媽太瘋狂❤

忙完個5月，龍媽媽打完所有BB展和試用文章之後，
終於有時間打下龍媽媽的敗家文！
正確來說系為龍哈仔敗家的文章！
坦白說養一個BB的開支實在太大了！
特別系我們呢Dpart-time or 全職媽媽，老公一個主力搵，三個洗，在所難免要慳得就慳。
奶粉、尿片都系必需，無得走雞，慳得唔多，
唯一可以慳的系衣著方面，其實龍媽媽絕對唔介意龍哈仔穿舊衣的，
一來BB大得快，很多衫都系穿幾個月！
二來BB衫都賣得幾貴，平極都要幾十蚊件！
所以龍媽媽絕對唔介意龍哈仔穿二手衫！
(如果大家有唔要的BB衫可以送給龍哈仔的！龍媽媽會好鐘意，環保嗎！哈哈！好似系度收二手衫咁！)
由於龍媽媽的朋友唔系未結婚，就系和龍媽媽一樣剛剛生了小朋友，
所以所有物資都要新買，而慳家的龍媽媽當然會四圍格價八下有無平靚正的衫了！
早前龍媽媽介紹過每個月都會有一檔賣出口童裝的檔攤來龍媽媽家附近擺檔！
最近龍媽媽又敗了好幾件的衫了！
$20一件！真系好難忍手！因為而家人仔升了，加埋運費，咁的價錢，淘寶都淘唔到！
所以龍媽媽又再敗家，而且仲瘋狂到4-5歲的size都買定！

無辦法愈大過的BB衫就愈貴！$20件真系好難買到！

好！給D戰利品給大家睇下先！今季新敗的，純棉！個款唔差！最重要質地靚！個款都幾特別！
條短褲系一歲size，龍哈仔而家穿會有點鬆！不過夠colorful，易襯衫！一套加埋$40！
粗著都抵，絕不心痛！

另外以上的全部一歲以上，$20件，買定留返大過穿！款唔差！粗著都抵！
有時想起都會覺得自已太瘋狂！條牛仔褲4歲size，即系要擺多3年以上！
不過都系敗了先！買大一定有機會著！加上男仔衫，都系呢D款！
出街去威先穿名牌，呢D街坊look都唔失禮！哈哈！

最後！送出絕值的背心夾衣！$2蚊件！無聽錯系$2蚊件！
如果住港島的朋友們應該知識邊度北角馬寶道！會有一間賣出口成衣的！
龍媽媽就系那度買！唔知而家仲有無！$2件！真系純棉料！買塊布都唔止！
龍媽媽都有後悔點解唔買多幾件！

其實龍媽媽點解咁瘋狂！全因為以前龍媽媽很容易見到D外貿出口童裝，
在街邊賣到好平，五蚊、十蚊都有交易！仲要靚料、靚款！
但而家最平都要$20以上，有D靚D仲要幾十、甚至一百！
所以龍媽媽每逢見到質地唔錯又平的都會買定幾件！拿上手都有得穿！

如果大家想買平、靚、正的BB衫可以有以下方法！
第一、等吉之島、uniqlo童裝換季時買定下年的size！
第二、就好似龍媽媽咁睇下有無外貿出口的童裝可以敗！
第三、就系等名牌童裝開倉啦！不過最近無咩開倉，有的龍媽媽再通知大家！
唔知大家又有無D平、靚、正的買童裝方法和途徑，歡迎和龍媽媽分享下！

2013年5月24日星期五

龍哈仔也試用(5)※我要做男模之可愛質地好的Hallmark Babies※

龍哈仔今次試用的系龍媽媽大愛的童裝品牌之一「Hallmark Babies」，
其實龍媽媽未試用之前已經用過Hallmark呢個品牌的衫，
真系質地好好！所以今次可以試用真系好開心！
仲要一次過試一套夏天衫和一套3件裝的夾衣！

好！在龍哈仔未試用之前，
等龍媽媽分析一下它的衫有咩特點和點解成為龍媽媽的大愛先！
第一，龍媽媽最愛它的質地，給BB著的衫就算個款幾靚，
個質地唔得龍媽媽都會say no！
所以龍媽媽好愛Hallmark的衫，100%的純棉，摸上手又滑又舒服！
第二，衫身的設計簡單可愛！開頭龍媽媽以為質地好的衫個款會麻麻，
估唔到今次收到的試用個款真系好靚，龍哈仔的麻麻見到不停話靚！
第三，碼數剛剛好，其實龍哈仔而家屬於細碼的BB，
穿上Hallmark的衫會大少少，不過因為龍哈仔系細碼BB，穿上去大件少少好正常，
不過唔會太誇張，而且個著出來的形都好好睇！

事不疑遲，龍哈仔的男模時間，先來一套夏裝先！
簡單的設計，舒適的用料，迎接夏天的到來，一流呀！

再來的系一套3件的夾衣！龍媽媽覺得呢套用來送禮真系無得彈！
一來質地真系好好，而且它個碼比較大，適合到唔同體型的BB！
最重要夾衣連排鈕扣開襟、開襠的設計，可以方便到BB穿脫和換片片，
而它的袖口及褲腳都有收窄，有保暖及防移位的作用，所以就算件衫鬆D都唔會顯得好大件！

睇下龍哈仔著得幾開心，連隻腳都拿到咁高就知道件衫幾舒服！
連龍哈仔都好鐘意Hallmark Babies的衫，
似乎龍媽媽又多一個敗家的地方！

2013年5月22日星期三

龍哈仔八個月啦！

最近龍媽媽比較忙，其實龍哈仔八個月進度篇應該一早要打啦！
不過拖到而家先有時間打！
最近龍哈家多了個神偷，系邊個？
他就系龍哈仔啦！龍哈仔最愛在龍媽媽張床頭上搞龍媽媽的護膚品！
每日都好似發現新大陸一樣，左摸右摸，
給龍媽媽發現後仲要用偷笑來掩飾它的惡行！

八個月的龍哈仔有很多新進展，帶給龍媽媽好多驚喜！

龍哈仔在七個幾月某一日，媽媽發現他居識站起來，唔洗任何野扶，真系好叻叻！
龍媽媽最近買了架學行車給龍哈仔去學行，
龍哈仔開始學識扶住D行啦！

此外龍哈仔出牙了，仲要一次出了2隻下門齒，見到龍哈仔2隻又細又白牙仔，真系好可愛！
而上門齒亦開始出來了！

而最令龍媽媽驚喜的系龍哈仔早幾日居然識發出爸爸的聲音！
不過龍媽媽有D唔開心，點解龍哈仔會叫爸爸先的，明明就系龍媽媽我照顧龍哈仔最多！

而龍哈仔亦都識聽和知人們抱的指示了！
龍媽媽話要抱龍哈仔時，龍哈仔就識爬向找龍媽媽和識伸手要龍媽媽抱！

有時龍爸爸會帶龍哈仔去超市，龍哈仔會開心，仲會捉實部車車！

其實在行為發展方面龍哈仔發展得唔錯，
唯獨食固體食物方面搞到龍媽媽好頭痛，
龍哈仔唔意食粥仔，而且唔鐘意試新野，
最唔鐘意戴口水堅，唉！好煩！
此外，最煩的當然系濕疹，雖然未斷尾，不過已經比之前好D了！

2013年5月3日星期五

當鴨鴨遇上維多利亞港

最近興D咩話題，繼《鐵甲奇俠》後，
相信近期的熱門話題就系rubber duck，
無論新聞、電視、facebook，差唔多都給它洗版，
究竟它有D咩的魔力，等龍媽媽去朝下聖先！話說今日龍爸爸放假，一家人去了海港城去探鴨鴨！
橡皮鴨游世界今次就來到香港站！

最近天氣麻麻，都驚今日無機會見到它！
見到它的真身，果然勾返起龍媽媽的童年回憶！
曾幾何時，家裡的浴室會見到它的出現，
曾幾何時，它系我們兒時的良伴，
應該直到現在或將來，我相信我們都會繼續見到它，
因為我們最愛它簡單和傻傻的外表但純真的內心！

早上十一時，但已經有很多人在度拍照，有大有少，
就可以證明rubber duck有幾受歡迎！

有唔同大大少少的duck，十分可愛！

當然要帶龍哈仔去見識下duck duck啦！
不過龍哈仔始乎未知發生咩事！

大家睇下真系人頭湧湧！

在唔同的角度影鴨鴨鴨系咁可愛！

當鴨鴨遇上維多利亞港後，就系如此的可愛，
最後送上呢張龍媽媽最愛的照片！
有機會有時間不妨去搵返我們的童真吧！

2013年5月1日星期三

瘋狂敗家吉隆坡之旅♥手信+敗家篇

終於來到龍媽媽的吉隆坡之旅的最後一篇啦！
龍媽媽一定要在5月前完成，
因為黎緊龍媽媽又會出去旅行，
不過就去一個短旅行！
在上幾集龍媽媽主要介紹吉隆坡的美食！
呢一集終於講到龍媽媽的手信和所敗的野了！
以上幅圖只系龍媽媽第一日所買的野，
仲有之後所買的藥和鞋無影落去！
其實大馬都有幾多必買手信，會去大馬的朋友可以參考下！

1.朱古力-大馬的朱古力都幾出名，好多旅遊書都有推介。
在吉隆坡有很多地方都有賣朱古力，
而龍媽媽被呢款的榴槤朱古力深深吸引住，
因為它特別之處系有榴槤肉在裡面，
而且都幾多，呢款在香港比較少見！
鐘意食榴槤的朋友千其唔好放過啦！

一盒十二蚊，賣RM30，即系$75港紙一盒，都可以接受！
用來送禮最好不過，不過大家要留意食用日期，
因為新鮮制造和無落防腐劑，所以通常食用期只有2-3個月！

2.肉骨茶-來到大馬當然要試肉骨茶啦！
試過肉骨茶後龍媽媽被深深吸引住，
忍唔要買返幾包湯包返去自已煲，
呢D湯泡都幾方便，一包已經有曬所有藥材，
自已只需加肉、豆卜和菜，
就可以在家裡自制肉骨茶，
龍媽媽在家裡煲過來飲，都幾好味！
而且D藥材好足，全部真材實料，
而一包湯包只系賣RM3.9即$10港紙到，都幾平！

3.咖啡-大馬的咖啡都幾出名，舊街場咖啡就系來自大馬的，
但來到大馬無理由買香港都有賣的咖啡返去，
所以龍媽媽就買了呢隻益昌咖啡，
舊街場的白咖啡和益昌的黑咖啡都一樣出名，
不過自從龍媽媽無返工後都好少飲咖啡，
所以買了包3盒1用來送給媽媽！
另外仲買了包沙巴紅茶試下！
大馬咖啡平過香港，上面包咖啡一包20包裝賣RM4.9，
即系十幾蚊港幣，好抵飲！
龍媽媽的媽媽試過後話好好飲！
似乎大馬出產的咖啡真系唔錯！

4.香口小食(龍記)-如果大家有好多親朋好友、同事同學要手信的話，
龍記的魚乾、魷魚相信系一個唔錯的選擇，
唔錯的選擇系因為它系大馬出產外，價錢亦幾平，最重要大大包，
都幾得體，而且選擇都幾多，味道亦唔錯！

龍媽媽覺得買食物做手信最好，人人都咁，而且唔會曬地方擺！
龍媽媽去的時候龍記的小食做緊優惠，
RM10任選3包，即系$25港幣3包，
維起8蚊一包到，勁抵！

5.林明記-此外仲有林明記的特產，林明記都幾多野賣，
而且質素唔錯，好多都好好味，龍媽媽推介大家可以試下它的香椰脆，
即系炸椰肉，入口有椰子的香味，而且十分脆，正！
仲有辣有唔辣添！
搞到龍媽媽食唔停，不過林明記的價錢就會貴D，
好似一包香椰脆都要十幾蚊港幣！

此外龍媽媽在超市仲買了D香料，大大包都系幾蚊港幣！

除了食物之外，龍媽媽仲買了D衫和鞋！

在衫方面，龍媽媽無買到給自已，反要買了幾件衫給龍哈仔！
見到呢幅圖，大家可能會有幾個疑問？
第一：點解買給龍哈仔的衫咁大件？
第二：點解吉隆坡一年四季夏天，何解有羽絨賣？
第一無錯龍媽媽真系有點發神經，上面的衫系for3歲小朋友，
龍哈仔有排都未著得，但以咁的價錢，大家都一定會買定先，
和埋龍媽媽的慳家手冊內一向見到平、靚、正都會敗定先，
橫掂龍哈仔將來一定有機會著！
呢幾件衫都在吉隆坡的uniqlo買的！
Uniqlo正價和香港差唔多，不過減價後就好平啦！
上面格仔恤和褲只系賣RM17.9，維起只$45港幣，
而羽絨就仲抵，由RM129.9減到RM29.9，即系$75港幣，
香港就算減價都無咁平，仲要系uniqlo，質地一向唔錯！
所以就算要放幾年，龍媽媽都照敗，加上個款幾大路，
粗著都抵！不過龍媽媽都系唔明解大馬有冬天衫賣，
可能就for我們D旅買！