「預」見十年後的龍哈仔！

最近龍媽媽玩了一個幾有趣的小遊戲，只要將BB的相上載，就可以「預」見十年後BB的樣子，玩完仲有機會得到雀巢超級能恩奶粉800g （1罐），大家有興趣到可以到以下網址玩下！

(https://www.nanprobb.com/meet-your-kids-future.php?utm_source=mybb&utm_medium=topbanner_v2&utm_campaign=nangame15)

玩法好簡單，只需要用BB的相上載上去，然後輸入一些簡單的資料，就可以！

然後就等一陣，在等的過程中，龍媽媽都不停回想龍哈仔從出世到而家的片段。

一個月大的時候，龍哈仔的腳仔只有龍媽媽半隻手咁大，估唔到，而家的小腳腳巳經變成大腳八。

六個月的時候，龍哈仔懂得轉身，開始煩要食咩糊仔！

一歲的時候，龍哈仔巳經懂得四圍走！

二歲的時候開始不停問，不停四歲探索！

呢3年真系過得好快，好快，龍哈仔巳經要上學了，所有的事都好似昨日發生，當中有甜、酸、苦、辣不能言語，但唯一可以說的事，很感恩我的生命裡有寶貝您的出現！

如果想要索取雀巢能恩奶粉，就要填埋一些資料！

之後就可以見到十年後BB的樣子，有相似嗎？龍媽媽分別用2張不同的龍哈仔相片，玩了2次，2個不同style的龍哈仔，都幾有趣的遊戲！不過無論龍哈仔是甚麼的樣子，龍媽媽都永遠愛你，希望能夠陪你過每一個十年！

龍哈仔的幼稚園生活記(^_^) k1 (7/9~15/9)

 

經歷了一個星期的適應,龍哈仔開始溶入k1的生活了,無再哭,無再扭計話唔返學,開始喜愛上學,這樣令龍媽媽十分感恩^O^

而學校亦開始每個星期有功課做.k1頭上半年,學校主要訓練大小肌肉的訓練,所以頭幾個月都無寫字的功課!

龍哈仔的學校都幾有系統,會詳細列出每個星期要做的功課和需要的用品.

Week1 做的系泥膠活動,有工作紙教點同小朋友做,做完要家長簽名.

平時無同龍哈仔玩泥膠,臨急同龍哈仔買泥膠,對於搓泥膠,龍哈仔仲系差少少,要再玩多d.-_-||

之後逢星期五都有2張工作紙做功課,今個星期學字母A和apple.

功課主要以填顏色為主!

Week 2就玩積木,呢個對龍哈你來說簡直系easy job.輕輕鬆鬆完成!

今個星期龍哈仔開始回到家裡會唱學校教的歌,今個星期他最愛唱上學去,回家會不停唱上學去,上學去,唱歌遊戲開心笑!

但對於學校的其它事,龍哈仔通常都三緘其口,問極都無反應.

今個星期學one 同cup.

另一樣功課系印印!

由於家裡無印仔,四周揾,都揾唔到又平又靚的印印,最後去了商務買>_<,一盒十個,$49,平均5蚊個,都可以接受的價錢.

龍哈仔的作品,不過不失,始終龍哈仔自已做,要求不能太高!>﹏<

自己撕,自己貼,自己塗,雖然有點出界,不過以剛滿3歲的小孩來說,還可以吧!

另外,依家龍媽媽每個星期都會帶龍哈仔去借書,晶晶系列的圖畫字少簡單,十分適合3歲小朋友讀!

希望大家會喜歡龍媽媽的分享!

K1上學了^﹏^

眨下眼>_<,龍哈仔就上幼稚園啦!

龍媽媽無俾龍哈仔讀N班,所以返學第一日,龍媽媽都幾擔心,擔心到前一晚失眠添,仲慘過自己返學!=.=!

龍哈仔的學校是9月2日開學的,學校與龍媽媽家有一大段路程,所以要坐巴士返學!

返學的第一日,龍媽媽同龍爸爸一齊送龍哈仔返學.龍哈仔返上午班-9:00~12:00.由於第一日下起大雨來,為免遲到,最後坐的士去學校.

開學第一日, 龍哈仔心情十分好,第一日可以送龍哈仔到班房,k1的班主任姓陳,未學的時候,打過給龍媽媽,感覺幾交帶.

去到班房,一班大約有二十個學生,有d同學仔已經爆哭,而龍哈仔暫時咩特別,上堂前龍媽媽仲帶了龍哈仔去vv.老師仲讚他無哭.之後就坐定定玩玩具等上課!

龍媽媽同龍爸爸就懷着輕鬆的心情去行街,點知......

在接放學的時候,龍哈仔就哭住出來,之後老師打返給龍媽媽,就話龍哈仔開頭上堂仲好開心,點知上上下就話要揾媽媽,然後就哭了,哭哭下仲在老師懷裡睡了.=_=真系搞笑!

之後問返茶點食咩,他就話食粥,有去vv.仲話老師教了他唱ABC.

由於9月3日是抗戰紀念日,所以放假1日,之後9月4日又再返學.第2日返學是星期5,學校逢星期1和星期5穿運動服!

今日爸爸同嫲嫲送他上課,媽媽就接放學!

返學又是開開心心的,接放學時亦都無哭了,但突然話唔鐘意返學!搞到龍媽媽勁頭痛!希望返多幾日學後會鐘意返學!

逢星期五,會派手册,手冊上每個星期都有表現評估,每個月轉一些評估,今個星期龍哈仔全部做到,龍媽媽超開心,算是一個好開始!(^o^)

8/9 海洋公園下水禮^O^

自從龍媽媽買了海洋公園全年票後,龍媽媽每個月都會帶龍哈仔去玩,不過龍媽媽每次只會停留半天,通常一系一早十點幾去,二點幾走,一系下年四點幾去,八點幾去!呢d時間去,一來可以避開内地團,無禁多人,二來又可以無咁曬同熱!

原本一早已經想帶龍哈仔去下水禮,不過上次來的時候下水禮仲未開始,之後就一直無時間去,今次適逢龍哈仔的表舅父黎香港,於是就帶了2個小朋友去海洋公園!

依家做緊優惠小朋友下午入場只需$99,咁又幾抵玩!

講起呢個表舅父都幾搞笑,他同龍哈仔講:你唔好叫我表舅父,要叫我表哥,叫到我老曬!

咁又系呢個表舅父只系大龍哈仔5歲!

入到場依然都系人頭湧湧,於是帶他們先玩一D小朋友的機動遊戲!

呢個表舅父雖然有時幾頑皮,不過當他照顧起龍哈仔時又幾細心,2個人有得玩即刻friend曬,睇住龍哈仔有伴玩,玩得特別開心,搞到龍媽媽有衝動生多個,不過生多個始終要計劃下!

玩到咁上下,就去玩今日的戲肉,下水禮!原來下水禮都有分大人同小朋友玩的區域,咁都幾好,起碼更加安全!有得玩水,2個小朋友都超開心!

入去玩水前,要先戴上眼鏡,每次大約有十五個小朋友入去玩,先玩玩水區域,會派一支水槍给小朋友,家長可以陪入去.之後都泡泡區,泡泡區大人就唔入得!玩完他們都大讚好玩!

玩都大約7點幾,就去坐纜車,表舅父超驚,龍哈仔仲不斷整估他,超搞笑!

玩到八點左右就回家了!

悅來酒店咖啡室＊香港舊情懷自助晚餐

一家人出街食飯，各有所愛，食自助餐是一個唔錯的選擇，可以迎合曬一家大細的口味！

最近潮流興懷舊，中環荔園再現，若果大家想重溫60-70年代舊香港街頭美食，不妨可以試下龍媽媽最近去過的悅來酒店咖啡室的「香港舊情懷自助晚餐」！

講起悅來酒店，可能大家未必會想起，但若果講「熊貓」酒店或者「Panda Hotel」，

相信大家就會記起荃灣的悅來酒店！

酒店的四圍都擺滿了熊貓的擺設同精品，非常的可愛！

今次自助餐以60-70年代香港的主題，咖啡室內設置了許多懷舊的裝飾同擺設,例如跳飛機等!

咖啡室的地方非常闊落,枱與枱之間的位置好寬闊,感覺好舒適!龍媽媽最討厭去太逼的地方用餐,一來出入唔方便,二來談話又無咩私隱!所以環境對於龍媽媽來說非常重要!

咖啡室一早已經set好BB椅同餐具,非常的細心!自助餐未開始,龍哈仔已經一臉期待,原因是因為龍媽媽跟他說,食完自助餐,就可以到遊戲室玩!

自助餐未開始,先到遊戲室睇下,遊戲室就是自助餐内,龍媽媽食咁多次自助餐都未試過自助餐區内有遊戲室,呢個設計真系十分貼心!

坦白說,食一餐自助餐或者飯最少一,二個鐘頭以上,要一個幾歲的小朋友坐定定陪你食完呢飯,根本咩可能,有小朋友的應該好明白.但有了呢個遊戲室,小朋友食完就可以去玩一陣,而大人又可以放心同輕鬆食野!

食自助餐當然要由凍盤海鮮開始,長腳蟹,生蠔,翡翠螺,凍蝦,青口!長腳蟹鮮甜美味,龍哈仔嫲嫲一口氣來了三大碟,單吃這個已經值回票價了!而龍媽媽則獨愛生蠔,生蠔肉質肥美而且新鮮,龍媽媽一口氣吃掉了五隻,十分滿足!而凍盤海鮮會不停加,所以絕對可以大飽口福。

凍盤方面的種類都不少,大約十種到!

至於刺身方面就有4種，龍媽媽就獨愛三文魚刺身,三文肉質肥美，雖未做到入口即溶，但亦十分新鮮可口!

再來的有各種不同的熟食,避風塘炒辣蟹,碗仔翅,咖喱魚蛋,煎釀三寶,全部都是元滿香港地道特式的食物。熟食食物都有十幾款,所以龍媽媽都無一一影下!

朱古力噴泉是小朋友的最愛,龍哈仔見到立即試整!

心急的龍哈仔,見到咁多野食,立即開餐,先來壽司幾件,食唔夠十五分鐘,就話要去玩!

龍媽媽當然唔肯，於是去自選湯麵整了碗米線給他，食完先給他去玩!

當日有許多家庭同小朋友去食自助餐，龍哈仔同其它小朋友玩得超開心，簡直樂而忘返!

在龍哈仔玩的時候，另一邊廂，龍媽媽繼續去尋找美食，先來一杯自製的紅豆涼粉冰!自已製,感覺幾得意,而且可以隨自己喜好加減配料!

之後,就到了龍媽媽最期待的火焰焗雪山!而家賣火焰雪山的地方超來超少,龍媽媽已經好耐無吃了!充滿冧酒酒香的外層,内裡系香滑的雪糕,加上一層薄薄鬆軟的蛋糕底,味道唔錯!大滿足!

此外,甜品方面仲有許多選擇,都做得唔錯!

最後當然唔少得吃返杯雪糕，雪糕方面有4款唔同味道的Dreyer's雪糕，朱古力、杧果、藍苺芝士以及開心果!Dreyer's的雪糕質素一向不俗，開心果味道比較特別,龍媽媽都系第一次試!

而家只要凡持有香港身份證明文件，含有 "6"、 "7" 或 "0" 字，於7至8月份惠顧自助晚餐即可享75折優惠。

感謝是次公關姐姐的安排

地址:荃灣荃華街3號悅來酒店3樓

電話:2409 3218

悅來酒店 websie: http://www.pandahotel.com.hk/

悅來酒店Facebook : https://www.facebook.com/pandahotel