2016年的書展剛剛過去，龍爸爸同龍媽媽每一年都會行書展，今年都唔例外，但因為時間的不許可，所以只能在書展的最後一天先去，而家就等龍媽媽分享一下今次的戰利品！
以上的禮物全部都是免費的，只要行過書檔，like下它們的Facebook或者download他們的app就可以有禮物送，由於龍媽媽在最後一日行，所以有許多禮物已經送曬，下年行書展的朋友們可以留意下！
今年行書展的目的主要是買練習和益智的書給龍哈仔，龍媽媽好少買圖書給龍哈仔，最主要的原因是因為每本書，龍哈仔只會睇一、兩次，好少會不停睇，為免浪費，所以圖書就會主要在圖書館借！
自從龍哈仔K1的時候，龍媽媽就開始買練習給龍哈仔做，每個學期大約做2本到，今次書展原本想買2間出版社的練習，但另一間無貨。
今次買的練習是新世紀出版社的幼稚園全科精選練習，呢本練習有齊曬中、英、數、常四科，分上、下學期，所教的課程深淺適中，都幾貼近而家幼稚園所教，最重要練習形式多樣，有填顏色、寫字、貼貼紙等，在練習最後幾頁仲有手工做，算是一本幾全面的練習！
而且價錢唔貴，龍媽媽在書展買了3本，約一百元！
另外仲買了3本則紙書給龍哈仔，50蚊3本，勁抵！
除此之外，仲買了排卡講故事給龍哈仔，原本想多買幾盒，不過都系睇下龍哈仔有興趣，先再買，以免浪費。呢款故事卡除了可以用來講故事給小朋友聽之外，仲可以訓練小朋友的思考能力以及邏緝性！
以前行書展，龍媽媽通常都會訂番幾本雜志，因為淨系D贈品都已經值回票價，不過而家龍媽媽好少睇雜志，加上禮品已經被人選得七七八八，所以今年書展無訂到雜志！
不過行過見到呢本出走紐約時裝周做緊優惠，一本大約九十蚊，仲送了一支面膜同Bodyshop的底霜，十分抵！
最後在書展買文具亦是十分抵的，雖然價錢同出面坊間差不多，但勝在可以抽獎，買滿$20就可以抽一次獎，左面兩枝白版筆同擦膠是買的，右面的油性筆同鉛心是送的！
希望大家會鐘意龍媽媽今次的分享！
