8-3-2018
話說早幾日係龍爸爸龍媽媽的6週年結婚紀念日🎉
於是一早計劃好要拋底龍哈仔去拍拖慶祝!
今次擇左北角嘅羅勒印度餐廳!
雖然餐廳在龍媽媽娘家附近，但從來都未試過!
在Openrice 見到它的食評唔錯，
加上在HoKoBuy見到有二人餐的團購，
於是買了當日晚上試一試!
餐廳的環境唔錯，地方都幾闊落，坐椅坐得幾舒服!
可能係平日人流相對比較少，比較静，氣氛唔錯!
每張桌上有一枝蒸餾水，要收錢的，$11一枝，
大家唔飲可以叫待應另外俾杯水!
團購的二人團餐包的食物幾多，先來的係餐湯!
相對龍媽媽之前食過嘅印度餐廳，它嘅湯做得比較差，
太過稀同淡，只有幾粒栗米!
前菜方面，首先有4隻馬沙拉蠔，
蠔唔算大隻，不過勝在鮮甜，配上印度酸辣醬，十分開胃!
前菜另外有2件咖喱角、烤雞同烤牛肉，
團購的前菜同龍媽媽當日食的有少少出入，
團購寫的係4串烤雞串，而現實中就變左2舊烤雞！
幸好烤雞都幾滑，咖喱角就外皮鬆脆，烤牛肉就夠淋，
呢3款前菜的味道都唔錯！
主菜方面有三款咖喱，分別係印度牛肉咖喱、馬沙拉咖喱雞同咖喱薯仔椰菜花，
咖喱的分量唔太多，只有3小碗，不過都足夠2個人的分量！
3款咖喱的味道都不同，不會太辣，帶有不同香料的味道！
印度牛肉咖喱的牛肉入口夠淋同軟，但牛肉分量不多，只有3塊到！
馬沙拉咖喱雞一樣夠淋夠入味，但同樣只有3、4塊！
咖喱薯仔椰菜花的軟硬度控制等唔錯，唔會過硬或者太淋！
食咖喱當然唔少得烤餅，印度的烤餅係龍媽媽的最愛，
用來點汁一流！
團購套餐包了黑松露烤餅，呢個黑松露烤餅超有水準，
剛剛烤好的烤餅帶有濃濃的黑松露的香味，即使唔點咖喱都超好吃！
烤餅熱辣辣，外脆內軟，配上咖喱又係另一番滋味！
最重要套餐係可以任食呢款黑松露烤餅，
所以立即要encore！
另外套餐除了可以跟烤餅之外，仲可以跟飯，
印度的米比中國的米比較長同幼身，
而且比較吸汁，用來配咖喱吃特別好吃！
最後仲有甜品同飲品，團購寫的甜品係雜果吉士，
但龍媽媽食的甜品比較似燉蛋多D！
細細杯，都幾滑，最重要只太甜！
飲品方面，龍媽媽就試了杯奶茶！
又係細細杯，茶的味道幾特別，帶一陣香料味，
茶同奶味偏淡！
團購：$199(另加一服務費)，埋單總數$220
＊今次團購的質素都幾滿意，服務唔錯，價錢雖然唔係話超值，但合理！
雖然同團購套餐上寫的有少少出入，不過都可以接受！
大家有興趣可以到以下link買
或者餐廳的午市套餐都係幾十蚊，大家都可以試下！
地址：北角七姊妹道7號昌輝閣地舖
