＊hong kong style＊聖誕四圍逛

香港雖然是中國人社會，
但相比新年，香港的聖誕節反而更有氣氛，
可能是聖誕的慶祝活動較多元化，
加上節日佈置較多
所以節日氣氛更濃。
趁未到聖誕，龍媽媽去了幾個大商場，
提早感受一下節日氣氛先。
雖然仲有成個月先到聖誕，
但各大商場都已經完成了佈置，
而今年的商場都以唔同的卡通人物來做佈置，
就等我們睇下其中幾個先！

龍媽媽呢日就去了銅鑼灣，
銅鑼灣的各大商場包括有皇室堡、希慎和時代等都有唔同的佈置

今年皇室堡以大耳查布做主題，
雖然地方少少，但最主要的公仔都系度，
仲有D小攤位和遊戲給小朋友玩，
鐘意大耳查布的朋友可以去睇下的！



行過幾步，就去到銅鑼灣新開的希慎廣場，
希慎今年以「遊樂場」為主題，
呢個系門口的設計，至於裡面龍媽媽無入去睇，
因為好似唔系好吸引，加上龍媽媽唔系好鐘意行希慎，
覺得它好似迷宮咁！



再行多幾步，就來到今次的主力推介，
今年時代以LEGO做主題，
場內有唔同用lego造的小屋和人物，
大家睇下上圖的牌都是lego整，
相信無論你系唔系lego迷，無論是大人定小朋友都會鐘意。

LEGO人物千變萬化，唔單只有聖誕系統，
仲有唔同造型的LEGO，
有男有女，總有一個你鐘意的造型！



你睇下小紅帽都有！



而小屋裡面就展示了唔同的小型LEGO整的物件，
有D小屋可以入內參觀，有D就只可以在外面睇，
你睇用LEGO整的蛋糕！雖然唔系好真，但都幾特別！




帶小朋友黎玩就最開心，
可惜龍哈仔太細，如果他識行，我實帶他來玩！




小朋友仲可以在裡面扮開火車，
有小朋友的你不防帶他來參觀下，
相信呢個系一個唔錯的家庭活動，最重要免費，小朋友又可以玩餐飽！

龍媽媽亦去了另一個商場，
就是旺角的朗豪坊



它們今年的主題是極光森林

—顆又一顆的雪白聖誕樹，好浪漫呀！



呢輛就系夢幻號列車，各位乘部準備好未，我們要出發啦！



在列車上有不同極地動物造型的椅，
當然仲有可愛的毛毛北極熊、馴鹿及海獅
大家仲可以聽到極地動物聲效和嗅到聖誕松木香氣，
真系幾特別！

特別的商場佈置當然唔止以上的商場，
今年商場的佈置比以前的特別，唔再是單單的聖誕佈置，
而是每一個商場都有其獨特的主題，
相信是香港的商場先有咁多聖誕佈置，
單是銅鑼灣就有3個商場咁多！
仲未計其他，APM、太古、海港城、奧海城…
仲有樂富度場的天神村，
小雲和小吉，我都好想睇！
相信今個聖誕行商場都是一個睇佈置都是個唔錯的節目！