龍哈仔@龍媽媽: 開心慳錢♥五大一小♥二日一夜澳門遊♥酒店篇

2012年12月15日星期六

開心慳錢♥五大一小♥二日一夜澳門遊♥酒店篇

龍媽媽在澳門回來了，
雖然澳門的食物愈來愈貴，
但在精明的龍媽媽安排下，
龍媽媽一家六口都在澳門過了一個開心的2日1夜旅程，
龍媽媽仲影了唔少相和片回來和各位分享！

今次龍媽媽會分幾篇blog和大家分享，包括食，住，玩、參觀和澳門慳錢篇！
今日就都大家分享下龍媽媽今次入住的酒店先！

龍媽媽今次入住的是金沙城中心，
金沙城中心位於路環連貫公路，
金沙城中心在今年的4月正式開幕
裡面有3間酒店，分別是康萊德酒店、假日酒店和喜來登酒店

從外觀睇，龍媽媽覺得金沙城的建築無咩特色和特別，
反而銀河、威尼斯仲靚D

今次龍媽媽入住的是假日酒店！

由於一行五大一小，所以一間房當然唔夠入住，
所以龍媽媽訂了2間房，在38樓！

呢間就是龍媽媽、龍爸爸和龍哈仔的房啦！
等我帶大家參觀下先！

今次龍媽媽book的是大床，
張床都ok大，睡3個人都無問題！

整體來講，間房的size都ok，普普通通，
在澳門，龍媽媽住過威尼斯、四季、金龍、駿景，
呢4間酒店，以房大小來比較，威尼斯是最大的，
因為有一個廳，而且一張床都等於我們呢張大床，
所以人多，想屈蛇的，威尼斯相信會是最好！

呢個是其它親友的房，
龍媽媽覺得雙人房好似比我們的king size房仲大，
張床都唔系細好多！
其實它呢個床，一張睡2個人都唔成問題，
如果大家都是玩多的，4個人book1間都ok，
坦白講，它好少會check房！

呢張椅都幾舒服，每間房都有一張！

間房都唔算細，都幾新，始終開了都未夠1年！

入到洗手間都ok，唔算好大，不過有花灑和浴江

都幾整齊和乾淨，不過不失啦！

唯一唔得的是它提供的洗潔用品，
唔知系唔系慳錢，
無論牙膏、牙刷，洗頭水等，
全部中國製，
唔知詳牌子，
龍媽媽都唔敢用，我勸大家都是自備好D！
龍媽媽住過的澳門酒店，以四季的裝修最好，浴室有電視，
牙膏、洗頭水全部都是名牌，
而威尼斯都唔差，都是有牌子，連提供的茶包都是靚野，
不過一分錢一分貨，所以當然無得比較，
龍媽媽只是講返自已的經歷！