龍哈仔11個月啦！

話咁快龍哈仔就十一個月啦！仲有一個月就一歲啦！
很快就脫離BB的行列，踏入小朋友的階段！
龍哈仔每一個月都有唔同的驚喜給媽媽，
今個月的驚喜系龍哈仔由上個月的行到兩、三步進展為行到六、七步，
相信過多一個月就可以行得更加穩啦！

飲食方面：照舊都系每日兩粥三奶，今個月試的新野唔多，因為大多數的食物都試過，差比較容易敏感的食物！

肉類方面：試了豬肉，龍哈仔都接受到，無敏感的情況！不過比較少煮豬肉！
此外，仲試了蛋黃，同樣無出現敏感！

水果方面：今個月試過車厘子和布林，都ok鐘意食！
其實所有生果，就算系酸的奇異果，龍哈仔都會整個食曬，可想而之它幾鐘意食！

菜方面：試過芋頭，其實芋頭都幾香，龍哈仔都好鐘意食！
仲有木耳，不過木耳就比較難消化，搞碎了給龍哈仔食，食完在便便上都見到它！
所以可能會少D食，不過黑木耳好有營養，可以煮多D給小朋友食！

小食方面，除了星星餅外，仲給了享氏手指餅給龍哈仔試，龍哈仔又系超中意，
自已可以食曬一條，仲要次次都勁大口，好似驚有人搶它咁！

龍哈仔而家食野都食得越來越好，不過偏向濃味和有口感的食物，鐘意咬野，
所以相始唔會將食物整得太碎！

而今個月轉了另一隻奶粉，食了幾日，都食得唔鐘，不過便便無之前咁軟，比較硬身D，
但未去到好乾的地步，都可以接收，一日都有兩至三次便便，
好似比其它BB多，不過龍哈仔每日食OK多野，食奶都食到8安士，食糊就食都一碗，
加上運動量大，勁鐘意爬來爬去和行來行去，
所以都會在餐與餐之間給多D唔同的生果或者湯和涼茶！

唔知咁多位媽媽有無給涼茶或者湯給BB飲呢？
龍媽媽通常會煲羅漢果加菊花或者粟米水給龍哈仔飲，
通常一個星期2次到，龍哈仔都幾鐘意飲！

行為方面：除了行方面可以行多幾步外，
在聽指令方面亦都有進步，會識得聽指令拍手、byebye、點虫虫等，
雖然未去到100%，但亦比上個月進步！

認人方面都進步了，例如你叫他去找麻麻，他識行或者爬過去找！

今個月開始教龍哈仔收捨自已玩具，開始會將自已的玩具放回箱內，
不過放完又完再拋出去！好鐘意拋玩具，唔知系唔系所有BB都系咁！

又開始train入圖形，開始識將圖形的國案入在圖形的洞內，
不過唔系次次都得，應該會日日同它玩！

其實在行為方面真系學得好快，不過語言方面就差D，不知點解最近鐘意大叫，
又勁鐘意發皮氣，唔給他玩的物品或者地方，他就會大叫，總之愈來愈近小朋友的階段！

牙方面：而家總共見到有8隻牙仔，龍媽媽買了支牙刷給龍哈仔，
train他刷牙，龍哈仔都肯開口刷，希望從少養成習慣，
因為習慣越早養成越容易教，千萬唔好以為而家他們仲系BB，咩都唔識，其實他們學習能力一日千里！