寫意暢遊黃金海岸(上)

最近好少打自已去玩的文章，因為自從龍哈仔有了川崎病之後，龍哈仔每個月都要返醫院覆診，所以龍媽媽都好忙，好少分享下自已的生活，見農曆新年有幾日假期，追返D文先！

話說之前龍媽媽得到2張黃金海岸酒店食自助晚餐卷，於是就在聖誕節期間同龍爸爸帶埋龍哈仔去黃金海岸玩一日，對於住港島的龍媽媽來說，只系去過黃金海岸一次，而且系好多年前去。因為屋企無巴士直接去到黃金海岸，所以要在銅鑼灣轉車，再入黃金海岸，大約一個半鐘車就到啦！

未夠鐘去食自助餐，所以先帶龍哈仔在黃金海岸商場四圍行下先，難得同爸爸媽媽去街，龍哈仔特別開心！

黃金海岸的環境真系唔錯，當日去的時候系星期日，亦無出現人山人海的情況，真系幾寫意！

之後帶了龍哈仔去黃金沙灘玩，黃金沙灘系香港第一處的人工沙灘，以前爸爸的公司經常黎黃金海岸旅行，今次舊地重遊！而龍哈仔見到海龜好興奮，立即要摸下它先！

第一次去沙灘玩的龍哈仔始乎對水有點驚，所以無玩到水！

龍哈仔四圍手指指，講一大堆BB話，但又唔知他講咩？

在黃金海岸睇日落真系好靚，好浪漫。記得以前同龍爸爸拍拖的時候都會去睇日落，以前的二人行變成今日的三日行，雖然多了個電燈泡，不過氣氛亦從以前的浪漫變成今日的溫馨！

好耐無靜下來，欣賞一下日落的美景。回想返自已系唔系真系咁忙，連抽少少時候睇下日落的時間都無？有時睇日落都系一種寫意！

之後去了中華白海豚廣場，一家三口的海豚雕像造型都幾逼真！

同龍哈仔行下沙灘，玩下附近的康樂設施，話咁快就差唔多6點，訂了6點半的自助餐，所以早少少去酒店坐下！

酒店的正門都幾有氣派，有機會的話都想去住返晚！

酒店大堂的樓底好高，而且裝修得好靚！

睇下龍哈仔幾興奮，有得玩有得食，小朋友就最開心！

所以明知龍哈仔會搞搞震都帶埋他去食自助餐！