上回提及到由於龍媽媽龍爸爸無假期帶龍哈仔衝出香港四周玩，所以在yahoo的團購中揀了悅來酒店的Formula@Panda2日1夜住宿計劃。
提起呢個團購，真心覺得抵，呢個住宿計劃有幾種，收費亦不同，大家可以按自已的需要而選擇，不過個團購已經做完，大家有興致可以睇返下面的連結
以龍媽媽今次為例，龍媽媽選了平日二日一夜連自助午餐的組合，包了二個大人+一個小朋友(其實可以帶2個小朋友去)住一晚酒店連中午自助餐，只需要$876，仲要連埋加一，以及任玩酒店內的設施，平均每個人三百蚊都唔使，如果加多個小朋友去，除外都只是二百頭，所以真是超值！
其實熊貓酒店並唔是龍媽媽第一次去，對上一次去的時候是去食自助晚餐，那餐自助晚餐，龍媽媽至今仍念念不忘，但由於龍媽媽同龍爸爸都是食量小的人，加上想試試它的自助午餐質素，所以今次選了自助午餐，而自助午餐就在入住的第二日食！
當日龍媽媽早了到達，雖然未夠時間check in，但職員都可以提早給我們入住，而且幾分鐘就完成check in手續，呢樣野幾抵讚，而按金已需要$300。
房間雖然唔算很大，好豪華，但都幾乾淨、舒適（始終一分錢一分貨），而冷氣幾夠凍(夏日炎炎，呢點十分重要)，所以入到房大家就訓了個午睡先！
午睡完畢，龍哈仔又充滿力量，可以出發去玩啦！
其實龍媽媽買呢個套票另一個原因是今次酒店以Formula@PANDA為主題，小朋友可以參與電動車學堂或極速遙控車或PS4遊戲站
在check in 的時候，職員派了2張遊戲票，由於得龍哈仔一個小朋友，所以可以選2項活動去玩！
遊戲設於酒店的七樓，戶外有個好大的場地用來玩電動車，而且環境都好寬廣。
龍哈仔雖然唔系第一次玩呢款電動車，但見到咁多的電動車都顯得心心眼。開頭龍哈仔都唔系玩得咁純熟，慢慢就上手！
除了電動車之外，仲可以選PS4遊戲站，不過呢款比較適合大D的小朋友。
之後在第二日就玩了極速遙控車
一張遊戲票仲跟一套小食，小食都幾豐富，有炸雞寳、炸薯條、爆谷、牛油粟米同 果汁，所以話呢個住宿計劃超抵。
之後就去了游泳池游水、除了游泳池外，酒店仲有健身室、蒸氣及桑拿浴室，設施都好新淨，環境都唔錯！無帶毛巾都唔緊要，酒店仲有毛巾提供！
游泳池環境都唔錯，泳池旁仲有大型的城堡跳床，龍哈仔超Like，又可以玩水又可以跳城堡，玩到幾而忘返，唔鐘意玩水的都可以曬下太陽！唯一一樣美中不足的就在酒店在鬧市，交通雖然方便，但景觀就一般，但每一樣野都無可能十全其美。
酒店的下層就是商場，有大型超市、商店同餐廳，搵食超易，不過酒店的食物質素都唔錯，單看Cafe的蛋糕就整得美輪美奐，而價錢亦唔貴，一件$35。
龍媽媽其中一個原因喜歡愛到熊貓酒店食自助餐除了它的質素外，在餐廳內設的Playroom亦是龍媽媽的主因之一，很少餐廳會有Playroom，有小朋友的家長就知道，要小朋友坐定定食二、三個鐘自助餐是一件好難的事，有了呢個playroom，小朋友可以開開心心去玩，大人亦可以開開心心去食！
悅來酒店的自助午餐食物選擇都幾多，雖然未去到十分豐富，但可以說應有盡有，刺身都有四款可以選擇，而冷盤就有翡翠螺、鮮蝦、加拿大青口、煙三文魚等，熟食有十幾款，仲有即點湯麵，蛋包飯，燒烤等，加上十多款的甜品，可以話大飽口腹，而雪糕仲要系Häagen-Dazs，如果龍媽媽唔系住港島區，一定會經常來！今次的團購可以話大成功，超值！
至於自助晚餐的質素如何，大家可以睇返龍媽媽上次的分享
悅來酒店咖啡室＊香港舊情懷自助晚餐
暑假應該用來玩樂，從玩樂中學習，製造親子間的「玩憶」！
(呢個暑假龍哈仔唔上興趣班，跟隨著龍爸爸、龍媽媽四處玩，一齊來玩盡港九新界）
沒有留言:
張貼留言