有睇開龍媽媽的Blog的朋友們都知道，
龍哈仔的學校每年都有幾份親子的勞作比賽或者是功課，
上幾次勞作的主題全部同節日無關，真系搞到龍媽媽無從入手！
而今年K2下學期的比賽的主題終於同節日有D關系啦！
今次的主題系環保復活籃！
呢個主題都幾易整，復活節主要元素都以復活蛋、兔仔、雞仔以及春天為主！
當然可以加插耶穌復活等宗教元素！
主題是復活籃，今次勞作的主角當然是籃啦！
其實大家只要在google 打 DIY Easter basket 就會有超多的復活籃做參考，
而龍媽媽上面蛋形的復活籃亦參考網上的做法！
資料來源：http://cutediyprojects.com/diy/60-diy-easter-basket-ideas-freshly-dyed-easter-eggs/2/
做法好簡單，只需要準備繩、大量的白膠漿以及氣球！
以下是龍媽媽整呢個籃的心得，大家可以參考下：
- 繩的粗幼不限，亦可以用不同顏色的繩配搭不同的風格的籃，想籃的花紋比較密的話就要準備數量較多的繩。
- 籃的大細可以自由決定，吹出來的氣球越大，籃就越大！
- 一定要準備大量的白膠漿，白膠漿份量不夠的話，籃會好容易轉形。當所有繩繞完個氣球後，可以在繩的表面塗上一層白膠漿！
- 最後亦是最重要的，一定要等成品完全乾透，先可以將氣球針破取出！
今次整呢個環保籃最大最大的挑戰是加上環保的元素，
用環保的物料整唔系最難的地方，最難的地方系要整得靚！>_<
大家知唔知上面的花是用咩的環保物料整的呢？
答案就是平時媽媽在街市買雞蛋，用來盛雞蛋的蛋盒！
大家只要剪出自已喜歡的形狀，然後用手彩塗上自已喜歡的顏色就可以！
龍哈仔都有份幫手塗！
主要的部分完成後，當然要做最後的裝飾，籃內放上不同物料的復活蛋，
用雜志撕成紙條鋪在籃內(其實用顏色紙鋪或者布鋪會更加美觀，但要配合環保主題)
最後用紙杯造成白兔，放在籃內，豐富作品！
＊今次的作品更獲得全級冠軍＊
大家的欣賞及認同系龍媽媽最大的鼓勵！
【親子勞作系列一】k1之玩具手偶
（K1全級冠軍作品）
【親子勞作系列二】k2之風鈴
【親子勞作系列三】k2之親子營養食譜
（K1全級季軍作品）
