仲有幾個月龍哈仔就五歲啦！這亦都意味著龍媽媽已經當了媽媽快五年了！媽媽這個身份龍媽媽在呢幾年間不斷地摸索！
父母呢個角色無天書可讀、無一條特定的程式可跟，只有透過自已不斷的學習，不斷的摸索！
每個孩子都是獨特的，龍媽媽在呢五年的期間體會極深！
初為人母的時候，龍媽媽經常都會將龍哈仔同其它小朋友作比較或者想龍哈仔跟隨自己計劃的道路而行，但慢慢發現每個孩子都是獨特的，不可以作出比較或者一概而論！
龍哈仔是一個陽光型的男孩、愛笑愛動！在公園他可以好快咁結識到新的朋友，亦都唔怕同陌生人接觸，可以帶動其它小朋友一齊玩遊戲，充滿親和力！
龍哈仔亦都是一個勇敢的小朋友，從小不怕打針、食藥，跌倒亦都不會哭！
當然龍哈仔亦有許多讓龍媽媽失望的行為，有一段時期，龍哈仔想學打功夫，於是龍媽媽幫他報完興趣班後，龍哈仔上第一堂的時候就哭過不停，要導師打俾龍媽媽接龍哈仔走，之後就再唔敢上！亦都試過上游泳堂，上了幾堂就無心機學！
對於龍哈仔經常半途而棄呢個行為，龍媽媽感到十分失望同不知所措…
之後透過傾訴及了解，慢慢發現龍哈仔並非想半途之廢，只不過學的時候年紀太少，所學的亦並非他真正的興趣。
自此龍媽媽就學會放手，凡事不去強求，以平常心去看待孩子的發展，盡了力，結果成與不成都學會接受，降低自已的期望，事情反而會有驚喜！
最近龍媽媽睇了一段扣人心弦，令龍媽媽不禁從心中反省的短片！
故事中的女孩充滿幻想力，愛幫人，但所用的方法同想法卻得不到別人的認同，甚至令女孩的媽媽引起好多的麻煩！
在現實生活中，龍哈仔亦都會出現許多令人百思不得其解的行為，特別上了幼稚園後，有時都會令龍媽媽好困擾，但在睇完呢段短片後，令龍媽媽深深反省，有時候會唔會誤解了龍哈仔？清一式的制止是否最佳的方法？
呢段短段讓龍媽媽學會從另不同的角度去看待孩子的所作所為，俾D空間佢去做自己，更加正面接受孩子的「不一樣」！
#美贊臣Enfinitas
#InspiredbyMoms #原生天資源自母愛
#支持孩子做自己 #原生就是與生俱來 #綻放天資 #變變魔法帽
#想像力是孩子的超能力 #創作力量同幻想會嚇你一跳
#支持孩子做自己 #原生就是與生俱來 #綻放天資 #變變魔法帽
#想像力是孩子的超能力 #創作力量同幻想會嚇你一跳
沒有留言:
張貼留言