「試用」冬天保暖瘦腿之選-爽健「 夢の纖腿襪」

爽健的「 夢の纖腿襪」已經有許多年了，但龍媽媽一直都無試過呢個產品，今次終於有機會試呢個產品啦！而且今次試的系它最新出的系列：

2013 期間限定夢の纖腿襪初次體驗裝

今次的初次體驗裝主要系for一D好似龍媽媽咁從未試過「 夢の纖腿襪」的朋友們！

因為今次的初次體驗裝相比爽健其它的系列的「 夢の纖腿襪」壓力值較低！

所以比較適合初試產用！

「 夢の纖腿襪」有2個碼，分別系中碼和大碼，大家可以因應自已的身材而去挑選適合自已的碼數，腿部肥美的龍媽媽都有自知之明，想到無想就選了大碼了！

其實龍媽媽在未試用之前都想過-穿呢D「 夢の纖腿襪」睡覺會唔會好唔舒服？

雖然龍媽媽愛靚，但未至於可以犧牲自已美好的睡眠質素，因為湊龍哈仔已經辛苦啦！仲要訓得唔好，就真系苦上加苦。

但當龍媽媽打開包裝，見到它的質地後，立即知道穿上去應該唔會太辛苦，因為它的網狀編織觸感的設計，上面的圖片都可以見到它有好多好細透氣孔，而且質地好柔軟，所以單拿上手就知道會好透氣！

事不疑遲，講多無為，當然要試上腿先最實際，大家記得要學龍媽媽咁先將襪整成一堆，穿好腳跟，先慢慢推上去大腿！

起初穿上去之前會以為會好緊，好難穿，但因為襪本身有彈性關系，穿上腿明顯無想象中咁難，襪有收緊大腿的效果，但收緊得來好舒服，無想象中的難受，穿上去睡一晚都好舒服，完全無難愛同唔適服的感覺，而且呢一陣天氣咁凍，仲可以保暖添，真系唔錯！將襪除出來，立即有種如釋重擔的感覺，並唔系因為穿襪的感覺好難受，而系大小腿明顯有種輕了的感覺，呢種感覺幾奇妙！當然未去到穿幾次就瘦的效果，但腿部的確系輕盈了和無咁累！

所以龍媽媽特別推薦給要長期站立的朋友們，龍媽媽之前的工作都要長期企，龍媽媽絕對明白一日企足十幾個鐘的辛苦和腿部疲累法，用了應該可以舒緩到腿部的疲累！當然冬天用就最好，因為冬天穿上它，應該都幾暖！

是次產品由theZtyle.com提供