話說復活節期間，龍媽媽帶龍哈仔去到元朗的YOHO MALL形點，對於住港島區的龍哈家來住，元朗真的幾遠，但當日有一個非常的任務，就是因為YOHO MALL舉行了一個恐龍歷險之旅，未出發的時候，但看資料已經非常的期待，去完之後，更加感覺是假期必去的地方之一！
今次的恐龍歷險之旅大多的活動以恐龍的主題，當日龍哈仔就化身試玩專員。
今次活動的內容非常豐富，動靜皆宜，總有幾個適合您的小朋友！
先來介紹三個比較特別的遊戲，呢3個遊戲，大家只需要在YOHO MALL以電子貨幣消費即日滿$300就可以免費玩其中一個一次，在商場買開野或者食飯的朋友唔好錯過！
恐龍生蛋，呢個活動超可愛，首先大家可以在恐龍媽媽同恐龍BB前合照！
之後16呎會動的三角龍就會生一隻恐龍出來，呢隻恐龍仲可以帶走，裡面仲內有乾坤！
恐龍騎士，坐在6呎高的恐龍上面，恐龍仲會上下搖擺，龍哈仔玩得超開心，玩完仲要encore再玩。咁又系平時有幾可可以騎恐龍，所以總對是一個難得的機會。
呢個恐龍攝影專區總對可以秒殺爸爸媽媽們的相機，小朋友可以穿上趣緻的恐龍服飾，仲可以騎上恐龍影相！
先來玩室外的遊戲，全港首次曝光的25呎高巨型暴龍頭充氣滑梯，讓小朋友經歷穿越利爪爬上暴龍頭，再於獠牙之間逃生的刺激旅程。
呢個遊戲簡直是勇氣和肢體協調的訓練，不過對於膽生毛的龍哈仔來說簡直是濕濕碎，玩完之後大叫刺激，仲念念不忘！
怕小朋友驚的話可以玩可以玩旁邊的越押威龍，彈床+滑梯，雖然無之前的咁刺激，但一樣咁好玩。
上面的遊戲要90cm以上，唔夠高玩的小朋友，亦都可以玩細仔專區的恐龍仔滑梯同小小森林世界。
原本仲想帶龍哈仔玩呢個歷奇撐艇仔，不過遊戲太受歡迎，要排上一個小時候，所以放棄，下次有機會再玩！
好靜的小朋友們都有好多選擇，呢個流沙掘龍骨，龍哈仔仲系第一次玩，好似變身仲考古家，爸爸媽媽仲可以陪入去一齊玩，玩完D沙仲唔會整污隻手！
復活節當然唔少得整復活蛋，恐龍藝術廊內你小朋友可以同爸爸媽媽一齊DIY整返隻親子復活蛋。貼貼貼，龍哈仔不斷亂貼，不過整出來效果又唔錯，所以藝術呢樣野真系估佢唔到！
旁邊仲有幾個攤位遊戲復活蛋過三關、狙擊鐵甲人、空中射擊，每個遊戲只需要$10，玩完仲有魚仔餅送！
最後當然唔少得首次曝光的歷奇機械爪，小朋友可以體驗機械操作，於限時內操控機械爪將小恐起放在育嬰箱中。開頭以為龍哈仔應該唔識玩，但玩了一陣他又掌握到。
此外 首次曝光的仲有全新實地操控的天秤吊臂，小朋友坐在可轉向方向的控制室內親用控制吊臂，磁力吸吊9色恐龍珠，考小朋友手、眼及腦協調。
日期：2016 年 3 月 19 日至 4 月 10 日
時間：上午 11 時至下午 7 時
地點：元朗 YOHO MALL I 及 II (共六大探險領域、16 個遊戲關卡)
票價：按遊戲而定，每款$50 或$10；另設$180 優惠套票，包括：4 款$50 遊戲及 2 款$10 遊戲)
