話說龍哈仔的叔叔中了2張東華慈善嘉年華的100蚊儲值卡，仲將它轉贈俾龍哈仔，於是上星期二,龍爸爸同龍媽媽帶了龍哈仔去了東華慈善嘉年華！
但由於當日是平日，所以嘉年華在下午三時才開始!
油塘有免費的穿梭巴士去東華嘉年華，於是當日就先在油塘的大本營逛了一圈，遇上了龍哈仔最愛的kinder出奇蛋，仲有kinder造型的展車，立即玩到唔想走。
上個星期的天氣認真麻麻，又大霧，又落雨，原本想星期日先去，但又怕多人，加上另有節目，所以最後決定風雨不改!
幸好去到只是落雨粉，所以仍可繼續今日的行程，只不過有d機動遊戲無開!
原本想買任玩套票，價錢都可以接受，不過回為有很多遊戲龍哈仔都唔夠高玩，所以最後都放棄!
改到兒童動感區内玩，全日任玩套票是唔包兒童動感區內的遊戲，要另外買票!
由於當日是平日，所以可以用$120任玩區內遊戲，遊戲區內有五個遊戲，當日有一個無開，不過一場黎到，加上龍哈仔興致勃勃，於是就買飛照玩!
買了任玩票後送了3包goldfish的魚仔餅(goldfish的魚仔餅是龍哈仔近期的致愛)，以及一架hotwheel的車!
第一個遊戲先玩了這個小型車賽道，平時邊道有咁大架車車可以揸，所以龍哈仔見到即刻話要玩。開頭龍哈仔唔識控制，要龍爸爸從後遙控，之後，龍哈仔玩多幾次後就立即上手，玩到忘我境界。
前前後後玩了3次，以$50一次黎計，已經回本了😆!
之後去了Hot Wheels模型車鬥場，之前送的Hot Wheels車就大派用場!1層樓高的賽道，將車由高處放下，唔係車迷的龍媽媽都覺得幾刺激!
仲有很多唔同的賽道可以玩!
對於車迷來說的龍哈仔，單單玩車就可以玩上大半個鐘!
之後就去了玩交通安全樂滿分，呢個遊戲比較簡單，適合年紀比較細的小朋友!
騎下車，學下交通規則，都幾開心!小朋友就是比較易滿足，簡單簡單的遊戲都可以樂上半天!
之後就去了玩Mega Bloks 積木池，小朋友可以在積木池內盡情砌積木，發揮創意，大人就可以在旁邊休息一下~
共實場内仲有很多其它機動遊戲，不過可惜龍哈仔唔夠高，龍哈仔真是要食多d飯先得，等下年有機會再去!
最後由於儲值卡仲有錢剩，所以帶龍哈仔玩了唔少的攤位遊戲，每個攤位遊戲都是20-30蚊，相比AIA同海洋公園真系好抵玩。原本無想過每有戰利只帶返屋企，點知…
在龍哈仔的亂拋之下，居然可以中了大獎，最後帶了隻超大隻的跳跳虎返屋企！呢個攤位遊戲仲要系咁多個遊戲中最難玩的幾個，所以運氣呢樣野真系估他唔到，仲有千其唔好睇少3歲的小朋友！
復活節呢個假期，龍媽媽將會帶龍哈仔四圍玩，四團去，有有興趣的朋友們，可以睇返龍媽媽之前的介紹！
沒有留言:
張貼留言