＊同消防叔叔拍照+潮食素食之北角素食分子＊

龍哈仔愛車、特別愛消防車、警車同救護車，每當有呢幾款車在街上經過必定大叫！

其實龍媽媽好早已經想帶龍哈仔到消防局參觀，

但每次都同屋企附近的消防局開放日擦身而過，

早排見到有個防火安全嘉年華在屋企不遠的地方，就立即Mark低時間同龍哈仔去啦！

同龍哈仔講有得去睇消防車，立即未出發先興奮！

其實龍媽媽細過好鐘意玩攤位遊戲，通常攤位遊戲的禮物都是文具，

所以好鐘意玩遊戲拿禮物，咁就可以省下不少用來買文具的零用錢。

嘩！去到第一時間同消防車拍照

平時都是遠距離睇消防車，今次有任睇、任摸，當然要把握機會！

當然唔少得同消防叔叔影番張靚相！

除此之外，仲可以坐消防電單車，呢款車龍媽媽都未見過！

攤位上仲可以有模仿消防員的衣服試穿，立即消防員上身，樣子十分得戚！

除此之外，仲玩了學會逃生的遊戲同學到不少消防知識！

玩了一個多鐘就去接龍爸爸收工，之後就去北角的素食＊分子開餐，

餐廳的環境唔錯，地方都幾闊落，而且裝修比較西化同潮，有別於平時一般的素食餐廳！

餐廳有BB椅提供，而平日一至五唔洗加一，星期六日就要！

今次Order了3款食物，有招牌薄餅$98、黑松露蘑菇包$48、泰式串燒$58

招牌薄餅：即烤的餅底，香脆可口，配上分量十足的芝士，味道不俗，但配料分量相對比較少，所以口感一般，如果可以加多D配料相信會更加好吃！

黑松露蘑菇包：賣相非常逼真可愛，包十分鬆軟可口，雖然吃不了很濃的黑松露味(一分錢一分貨)，但內的配菜都十分多汁，同個包十分配！

泰式串燒像真度極高，口感逼真，同平時食開的肉類分別不大，最愛它的沙爹醬，香口味濃。

總結：用餐的環境唔錯，以吃素來說餐派都幾特別，味道OK，份量不少，價錢亦不大貴，平時喜愛吃素或者想吃得健康特別的朋友們可以一試！