五一勞動節，大家有無帶小朋友去玩呢？龍媽媽就帶龍哈仔去到九龍城的九龍城廣場(KCP)玩「We嘩! 充氣嘉年華」，今次的主題是至激海洋世界！
有得去玩，龍哈仔成個人立即醒神曬！
呢個捕鯊探險記，龍哈仔之前在荃灣玩過，玩完之後一直念念不忘，在場內好受小朋友歡迎。可以系咁高的滑梯滑落黎，緊張又刺激，小朋友點會唔鐘意，龍哈仔玩完又想再玩！
捕鯊探險記
身高限制：90cm – 140cm
票價: ：HK$50
高達8米、以深海中的鯊魚為造型，在鯊魚肚中藏有一道滑梯。小朋友仿如潛入深海中，在鯊魚口中不停穿梭與鯊魚角力、追捕，驚險又刺激好玩！
地點：B1樓層大堂
驚小朋友驚唔夠膽玩，可以玩下呢個海洋遊樂園，內有小滑梯同其它以海洋為主題的障礙物，唔系單單跳跳咁簡單，用來放電一流！
海洋遊樂園
身高限制：90cm – 120cm
票價：HK$50
充氣彈床外圍以蟹為設計藍本，內部則遍佈不同的海洋障礙物，外表吸引之餘，亦充滿玩味！小朋友穿插在不同的障礙物，一個非常好的放電遊戲，特別適合「細仔」玩。
地點: B1樓層大堂
呢個掘掘樂，簡直系去「We嘩! 充氣嘉年華」必玩之作，除了可以訓練小朋友的反應及操縱能力，最重要是在其它地方好少玩到！
海洋掘掘樂
身高限制：90cm – 140cm
票價: ：HK$50
從外觀到操作均依照原型仿製，並由製造真實挖泥機的企業生產，仿真度極高。考驗小朋友肢體運用，自己操縱桿控制轉向，以液壓系統作出伸縮、升降及以鐵鏟挖掘至卸下等指令，挖掘海中不同的寶物。
地點：B1樓層大堂
B1樓層大堂除了有以上幾個遊戲，仲有呢個超級全疊打，$10玩一次幾抵玩，個球在半空飄浮，幾考眼界同反應！
之後上廣場的一層，就可以玩下一D靜態D的遊戲，呢個海洋藝術廊有超多手工可以選來整，樣樣都好可愛！
海洋藝術廊
票價：HK$50
搜羅不同與海洋有關的DIY手作，讓家長與小朋友一同發揮創意與藝術天份，製作獨一無二的手作，同時享受親子樂。
地點: UG樓層
最後龍哈仔選了整個魚的相架，在龍媽媽的協作下最後完成，龍哈仔同龍媽媽都非常滿意，大家又覺得靚唔靚？
掘呀掘！呢個掘沙好好玩，除了可以發揮小朋友的創意外，最重要玩完唔會整污雙手同D衫！
流沙掘海中寶
票價：HK$50
2013年首度引入香港的環保造型流沙，集無致敏源、抗水、易清洗、不污染衣物等，還有抗菌成份，讓父母安心，創新物料能讓流沙做出不同造型效果，拿揑時又有流沙般的獨特手感，絕不容易散開。在流沙中隱藏不同的海洋寶物，讓小朋友探索挖掘，更體驗沙堆掘蛋的樂趣。
地點: UG樓層
最後，來到今日的重頭戲，我要做騎師，場內有唔到大細的動物給小朋友選，可以適合唔到高度的小朋友，龍哈仔都是第一次玩呢D仿真馬匹，在工作人員教導之下，第一次已經學識玩，仲要愈騎愈快，呢D仿真馬匹都幾考小朋友的手腳協調，因為小朋友要一邊上下搖動身體，一邊控制馬匹的方向。
我要做騎師
票價：HK$50
身高限制：90cm – 140cm
「仿真騎乘馬匹」一向備受歡迎，動物造型趣緻精美，外型設計仿真度極高，。 仿真馬匹是依照人體力學設計及推動，仿如騎乘真馬，且控制更容易及安全，小朋友可以輕易變身成騎師，又可練習肢體協，輕輕鬆鬆一嚐騎師樂。同場亦有其他動物給小朋友選擇騎乘。
地點: Shop101-107, 1/F
除此之外，同場仲有好多$10攤位遊戲考小朋友的眼界同手腳協調，大家一齊同小朋友去玩啦！
活動名稱
|
「KCP x KIDO Town至激海洋世界」充氣樂園
|
日期
|
2016年4月29日至2016年5月8日
|
地址
|
九龍城賈炳達道128號KCP九龍城廣場UG、1/F 及B1樓層
|
時間
|
上午11分至晚上7時
|
沒有留言:
張貼留言