暑假四圍玩「第一擊」來自韓國卡通ROBOCAR＊POLI＊銅鑼灣皇室堡

好耐無打Blog同大家分享啦！近呢一年龍媽媽因為做了全職媽媽，所以都無咩時間同大家分享，有空閒的時候都用帶龍哈仔四處玩或者教龍哈仔，所以Blog的產量真系買少見少，不過暑假過後，龍媽媽又會由全職媽媽變成半職媽媽，到時就可以有更多時間同大家分享！

龍媽媽一向逢行Work Hard, Play Hard的原則，龍哈仔的暑假無參加任何的興趣班，取而代之的是精彩的香港四圍遊的活動！其實唔一定要去旅行，香港都可以有好多好去處！

今個暑假第一擊的就是去銅鑼灣「皇室堡 x Robocar POLI 小英雄學堂」！

說起Robocar POLI《救援小英雄波力Poli》，應該唔系所有小朋友都認識，因為它是來自韓國的卡通片，而龍哈仔就是它的粉絲，龍哈仔認識它全因為睇YouTube時都會睇到它的卡通片，在YouTube有齊它的韓文、英文和普通話版。

Robocar POLI《救援小英雄波力Poli》主要由四個主角所組成，分別有波力(Poli)救援小隊裡的藍色警車、安寶(Amber)救援小隊裡的粉紅色救護車、羅伊(Roy)救援小隊裡的紅色消防車以及赫利(Helly)救援小隊裡的綠色直升機。

Robocar POLI《救援小英雄波力Poli》的主要內容是講述在布姆鎮裡住了許多居民與交通工具，他們經常發生許多意外。為了保護大家的安全，英勇的救援小隊將同心協力克服困難與危險幫助朋友們！

皇室堡內有架School Bus會播放Robocar POLI《救援小英雄波力Poli》的卡通片，經過的朋友們可以帶小朋友睇下，內容有趣而且非常正面！

此外皇室堡的2樓仲有展放很多有關Robocar POLI《救援小英雄波力Poli》的模型車！

當然唔少得有Robocar POLI《救援小英雄波力Poli》的精品賣，價錢都唔太貴，有幾款玩具都幾特別，不過龍媽媽對龍哈仔的教育是唔會隨便買玩具，以免浪費同唔珍惜，所以通常龍哈仔儲齊一定數量的印或貼子先會有獎勵！

展覽由6月26日至8月28日，時間：上午10時至晚上10時，有興趣的朋友們唔好錯過！