話說龍媽媽今日帶龍哈仔返北角的外家探公公婆婆，見假期無咩做就行下北角的和富中心(家居庭)，商場有一間toonsland的特賣場(長期都做特價)，今日行過居然見到它的夏季衫做緊買五件一折的優惠！
夏季衫買一件就三折，買五件就一折，而冬季衫就做緊半價！
男女款都有，款式都多，但碼數唔齊，始終減價貨，手快有手慢無，所以都是睇運氣！
男仔款式80-100碼就以Thomas同芝麻街為主，110-150碼就以怪獸手錶同高達為主，女仔款就有公主、芝麻街同winnie the pooh。
質地真是唔錯，如果買5件，折了之後都是二十至四十蚊都，真是超抵！
用來當睡衣著都一流，上圖的女仔款超靚，都是二三十蚊，幸好龍哈仔是男仔，否則龍媽媽實狂掃。
最後龍媽媽都敗了五件返屋企，三條褲兩件T-shirt，最後埋單一百一十二，每件維起廿幾蚊！
怪獸手錶T：折後$26.9，芝麻術T:折後$19.9，芝麻街褲(有袋)：折後$22.9，芝麻街褲(無袋)：折後：$19.9！
真是平過街邊貨，抵過上淘寶！
之後就帶龍哈仔去行大古城，今次行太古城主要是想食麥當勞最新出的阿華田脆脆新地窩夫！
呢個新地窩夫並非所有分店都有，只限三間港島分店供應，分別是金鐘、太古城同鰂魚涌！
之前在銅鑼灣麥當勞的甜品站試過它的阿華田脆脆新地，味道唔錯，所以今次專程來試它的窩夫！
熱熱的窩夫配上冰冰的雪糕，味道唔錯，雪糕很有阿華田的味道，配上脆脆，軟滑中帶點脆脆，口感一流，但唯一就是味道比較偏甜，而窩夫份量比較少，所以$38呢個價錢變相比較偏貴，買中杯或者大杯的飲品就可以以$25呢個價錢加配，如果$25就可以接受！
想知道龍媽媽同龍哈仔最新的消息，或者是著數情報：快DLike我們的facebook！
沒有留言:
張貼留言