話說上集講到龍媽媽在酒店食了一餐很豐富的早餐後，
龍媽媽懷著滿足的心情向第二日的行程出發！
第二日的行程龍媽媽早上將會去到Central Market和茨廠街！
之前龍媽媽提到吉隆坡的交通雖然方便，
但唯一一個唔好的地方系第二條線的地方要出閘轉車，
比較浪費時間！
而Central Market和茨廠街其實好近雙子塔，
不過都要先去KL
Central轉車！
吉隆坡的火車售票機和香港的差唔多！
去Central Market的途中見到舊吉隆坡火車站，叫Stesen
Keretapi！
原來呢個火車站有很耐歷史了，在1910年建成，
火車站系採用摩爾式的建築，有很濃厚的回教色彩，圓頂和拱頂的設計得特別！
不過龍媽媽在外面睇完就無入去！
終於黎到今日第一個目的地啦-Central Market
大大隻字寫它在1888年建成！
Central
Market原本系一個濕貨市場，
而家就系賣唔同類型的工藝品和古董！
D手工藝品都幾靚，不過價錢唔平，所以龍媽媽都無點買到，
只系參觀下就算！
仲有很特意的公仔，不過龍媽媽已經唔系小女孩啦！
加上再特意的公仔龍媽媽家亦無地方放，所以看看，拍下照就算啦！
唯一讓龍媽媽和友人有衝動的就系呢D馬來西亞的傳統小食和糕點，
每一樣色彩很繽紛，
馬來西亞的小食大多系炸品和香口為主，
友人買了唔少返屋企，
龍媽媽都有買，不過系買馬西亞另一出名的特產-朱古力！
在手信篇，龍媽媽會逐一介紹下！
Central
Market可能主要系做遊客生意，所以D價錢偏貴，
而所賣的野香港都有得賣，所以龍媽媽都系買了少少食物做手信！
在Central Market旁邊有條步行街！
呢個唔知系D咩呢？
不過又系無咩特別野賣，賣的野同香港女人街一樣！
吉隆坡的中午真系好熱，熱到龍媽媽和友人不停想飲野！
呢D顏色雖然好靚，但依乎唔系好衛生！
所以龍媽媽和友人選擇了飲椰青！
好大個椰青呀！
在吉隆坡的生果真系幾平，咁大個椰青到系RM5(即系$12.5)，
咁的價錢香港一定飲唔到，又甜又清又解渴！
裡面仲有椰肉可以食！正！
之後仲見到D幾特別的小食，竹筒糕！
原本龍媽媽都想試，不過太熱，無咩胃口，所以無試！
RM2.5都算幾平！
行過幾條街，龍媽媽仲見到一間廟添！
入屋叫人，去廟拜神，
來到馬來西亞當然要參觀下有無唔同的地方！
呢間廟都有好耐歷史了，保存得幾好！
馬來西亞就系我們以前中國人所指的南洋啦！
參觀呢D廟令我想起中國人移居海外工作的血淚史！
唔知大家知唔知呢個系咩呢？
呢個系神橋，系用來運送神像的橋，在光緒年造的，
已經有百幾年了！
最後龍媽媽仲見到一張幾特別的勸世文張貼在廟內，
龍媽媽影底了和大家分享一下！
錢多錢少，夠食就好，人丑人美，順眼就好，
人老人少，健康就好，家窮家富，和氣就好，
老公晚歸，回來就好，老婆嘮叨，顧家就好，
孩子從小，就要教好，博士也好，賣菜也好，
長大以後，乖乖就好，房屋大小，能住試好，
名不名牌，能穿就好，兩輪四輪，能駕就好，
堅持執著，放下最好，人的一生，平安就好，
不是有錢，一定會好，心好行好，命能改好，
誰是誰非，天知就好，修福修慧，來世更好，
天地萬物，隨緣就好，很多事情，看開就好，
人人都好，日日都好，你好我好，世界更好，
總而言之，知足最好，說這應多，明白就好！
呢篇文包含所有做人道理，龍媽媽打在blog道，
希望能提提自已，以免迷失在呢個世道！
由於第二日的行程比較多，所以龍媽媽分了
2 part，下回繼續！
想睇返龍媽媽之前的行程，可以到下面的連結！
沒有留言:
張貼留言