龍哈仔7個月啦！

貶下眼龍哈仔七個月啦！
自從6個月開始，龍哈仔就開始食固體食物，
由於3日試一種新的食物，所以龍哈仔都唔系試了好多食物，
主要以蔬菜為主，因為龍媽媽覺得而家的肉類真系唔系好可靠，
所以想給龍哈仔試曬所有主要的蔬菜先，再試魚和肉！
龍哈仔目前為止試過以下食物，
在蔬菜方面：西蘭花(ok，龍哈仔可以接受，唔會太討厭！)
紅蘿白(一般，單單紅蘿白唔會食，混其它食物會好D！)
蕃薯(至愛，很快可以食曬一大碗，可能甜，好味！)
薯仔(討厭，單系薯仔唔會食，最多食半碗！)
山藥(即淮山)(ok，由於龍哈仔系濕疹BB，出藥可以補肺腎,所以給他試下！)
冬瓜(ok，龍哈仔都幾鐘意，不過夏天先煮多D他食)

在生果方面，蘋果(一般，每次食半個到，不過營養高，所以會經常給他食)
提子乾(提子乾系龍媽媽從嚴浩的專欄睇到，做來醫濕疹用，
龍哈仔飲了半個月後真系有效，濕疹穩定好多，最近變天氣都無爆發！
至於食法，效果等，龍媽媽遲D會出返篇濕疹大作戰來詳細講！)

食物主要試了咁多先！



至於行為方面，龍哈仔今個月大進步，識得四圍爬，而且爬得唔錯，
不過就好鐘意咬野，你睇咩都咬得一餐，咩到放入口，
最鐘意咬BB車的安全帶，睇住都系咁放入口！
坐又坐到大少咁！
最近有唔少機構都搞繄爬行比賽，龍媽媽都幫龍哈仔報了名，
下個星期龍哈仔將會參加他人生第二場比賽！
第一場比賽系咩？龍哈仔一早贏了！就系在龍媽媽的肚裡面！哈哈！今次比賽志在參與！作為龍哈仔同龍媽媽另一個美好的回憶！

另外，請在上圖找錯處，3、2、1？
開估，就系龍爸爸將龍哈仔的衫調轉穿！
同他講仲話系fashion！唉！

龍哈仔都幾大力，而家扶住檯都可以企幾分鐘！
又成日不停叫，
不過最近令龍媽媽擔心的系龍哈仔在晚上會合埋眼大叫，
點抱點哄都唔得，唔知夠唔夠書上講的發惡夢！
搞到龍媽媽無覺好訓，
仲有龍哈仔而家越訓越少，有時一日訓得幾個鍾，
不過食和情緒又無咩問題，真煩！