大埔半天遊

上個星期日，龍爸爸龍媽媽都放假，於是同埋龍哈仔的麻麻和姑姐一齊到大埔玩，對於系港島區的龍媽媽來說，大埔對於龍媽媽系一個非常陌生的地方(其實新界件何一個地方對於龍媽媽來說都非常陌生)。

當日非常遲先出發，所以去到大埔都差不多中午了，第一件事當然要搵食先啦！於是就去到大埔幾出名的陳漢記度醫肚先，由於麻麻和姑姐比較細食，所以我們叫的野食唔多，叫了個片頭河，一隻粽，一碗魚片粥，一碗豬腰粥同一碟炸腸(食得大快無影到相)！

總括而言，食物水準唔錯，用料幾足，而最值得推介的系它的腸粉，我們叫了個炸腸，包住油炸鬼的腸粉又滑又薄，入口即溶，唔怪得咁多人等十幾分鐘都要食它的腸粉啦！

行行下經過間樹記，樹記的腐竹都幾出名，開頭以前它的野會賣得好貴，但原來和街市差唔多，最多貴一、兩蚊，之後就買了包鮮腐竹和素鴨返去試，它的腐竹和素鴨都唔錯，唔錯在夠新鮮，比起街市的多了一份鮮味！

之後行行下見咁多人買豆腐花食，又去了食碗豆腐花，豆腐花都唔錯，幾滑！

行了一陣到，就到了我們今日主要的目的地—香港鐵路博物館。睇人影結婚相就多，但龍媽媽真系未去，所以一直想來鐵路館參觀下，身為車迷的龍哈仔當然就更興趣啦！原本以為仲要給門票，估唔到鐵路館系免費的！

古老的火車頭，長長的路軌，加上古舊的建築物，果然別有一陣風味！

龍哈仔五月就要返學啦！經過文武帝當然要入去拜拜啦！當然讀書是唔可以逼的，讀唔讀得成都要睇下你有無書緣，所以龍媽媽主要求的都系龍哈仔要聽教聽話和身體健康！