3rd July 2016
早前太古城中心舉行「麥當勞玩具樂園」，M記可以話是我們的童年回憶。想當年，龍媽媽人世第一份工就系做M記，當時剛剛中三，暑假無野做，於是膽粗粗去面試，仲記得當時一個鐘是$16蚊，人工真是好低，但在無學歷無經驗的情況下，學到野又識到朋友仔，仲有零用錢，都算系咁...
龍媽媽家裡都收藏了不少麥當勞的玩具，展覽中展示的玩具，想當年龍媽媽都有收藏過，以前真是為過呢D玩具瘋狂過，不過唔知系唔系年齡大了，定系物質越來越豐富，對呢D玩具或者精品的熱衷越來越少，而家好多時見到得意有趣的玩具欣賞完就算，好少再買回家收藏！
小飛飛、滑嘟嘟、漢堡神偷仲有麥當勞叔叔對於七、八十後的我們來說可以話是耳熟能詳，而到龍哈仔呢一代就變得非常陌生，所以呢幾個卡通人物就變得龍媽媽呢一代的集體回憶！
圖片左下角的公仔大家知唔知是咩？原來叫脆卜卜，龍媽媽都是第一次見，原來除了小飛飛、滑嘟嘟、漢堡神偷仲有麥當勞叔叔之外，仲有呢個咁特別的角式！
以前在麥當勞會經常見到蘋果怪樹以及卡通造型的漢堡包座椅，呢D富有麥當勞特色的擺設慢慢被現代化的裝潢取。現今的麥當勞雖然多了一份現代感，卻少了一份人情味，隨著時代的變遷，呢D一切一切只好變成回憶的一部分！
暑假應該用來玩樂，從玩樂中學習，製造親子間的「玩憶」！
(呢個暑假龍哈仔唔上興趣班，跟隨著龍爸爸、龍媽媽四處玩，一齊來玩盡港九新界）
沒有留言:
張貼留言