開心一天家庭日之暢遊MagaBox

最近龍媽媽的part-time好忙，加上自已和龍哈仔今個月都病了好幾次，

所以最近除了試用文外，打少了許多自已的生活Blog，

呢2日有返D精神，開始繼續追返D文，

重陽節的假期遇上龍爸爸龍媽媽放假，所以決定帶龍哈仔放下電，

龍媽媽於是提議帶龍哈仔去MagaBox，因為龍媽媽好想食 IKEA Café

加上發現屋企樓下有巴士直到Maga Box，

今次去食ikea，發現了它有一個很正的露天區，

可以很輕鬆咁欣賞風景和食野，

今次龍媽媽和龍爸爸試了很多野食，兩個人食了8碟野，

真系好瘋狂，但一D都唔貴，只系一百五十蚊到！勁抵！

由上圖的左上開始介紹下龍媽媽今次食了咩，

1)凍蝦杯，一杯有少少的沙津和勁多蝦，D蝦好新鮮，又多春，只是$23，簡直系必食之選！

2)香草三文魚意粉，白汁好好味，三文魚都ok新鮮，重點又系$23！

3)炒雜茹，呢個真系一般，雖然平$9，但味道一般，下次唔會叫！

4)煙三文魚沙津，個沙津醬勁正，好好味，三文魚又新鮮，不過價錢有D貴，

因為三文魚得2塊，就要三十幾蚊，有D貴！

5)唔記得系炸咩餅，一般，好似十蚊！

6)瑞士肉丸，系豬肉+牛肉，好似無以前咁好食，不過OK抵，

因為除了肉丸外，仲可以配意粉OR薯蓉，5粒$10蚊！

7)炸雞翼，好香好脆，龍爸爸話好好食，$13有4隻，價錢OK！

8)魚柳餐，魚炸得幾好食，配雜菜和薯蓉，價錢OK，三十幾蚊一份！

在宜家食野好處系有BB椅，餐具等，又有遊戲區給小朋友玩，

龍哈仔玩到樂而忘返！

此外，仲有萬聖節報置，可以影下相，

MagaBox仲有玩具反斗城，龍哈仔最鐘意行玩具反斗城，

仲有AEON、H&M等等，都幾適合一家大細行，

而所賣的野的價錢都在中價貨，絕對買得落手，

重點系少自由行，所以龍媽媽得閒都會去行下和龍哈仔放下電，

去完玩的龍哈仔特別好睡！