等了四個鐘，就系為了換Olay

話說龍媽媽前幾日在yahoo見到Olay有一個新活動，

就系可用一支價值唔低於$200的精華產品的樽去換它最新出的精華霜，

事源龍媽媽剛好有一支精華今個月到期，

而龍婆婆一向系Olay的粉絲，加上今日下午又有時間，又唔洗照顧龍哈仔，

所以龍媽媽就去了尖沙咀幫龍婆婆換枝Olay最新出的精華霜啦！

活動的時間系2:00-8:00，龍媽媽上午返完工就第一時間走去尖沙咀，

去到 i square見到已經有幾十人排隊，行到去問就話派題籌，

但個時仲未夠2:00，只系一點幾，在場又得幾十日，點會咁快派曬1000張籌？

原來早在十二點幾已經開始派籌了，

最重要的系有勁多公公婆婆去排，又有人排完又排，男士和小朋友又有，

olay方面擔心唔夠籌，所以話派曬，不過龍媽媽見她手上仲有2大疊籌，

所以龍媽媽有理無理都排下試下碰下運氣，

因為專程過海去到，無理由空手而回，

幸好排了一個多鐘，終於拿到籌了，

可惜要5:30先可以回去影相，填問卷換產品，

龍媽媽只好去行下街先再返去！

之後大約5:15返去影相、填問卷，終於換到枝最新的Olay啦！

為了呢支精華真系足足等了三個幾鐘！

除了枝精華，填問卷有一塊Olay面膜，讚facebook就有一盒面膜的sample！

今次的活動真系有驚無險，好好彩，不過為了一支Olay等四個鐘，真系無下次，

龍媽媽情願自已買過支給龍婆婆好過！