Apple Baby星級Happy寶寶封面大招募

剛剛過完4日長的復活節假期，唔知大家點過呢？

龍媽媽就在呢4日長假期帶了龍哈仔四圍玩，

而長假期期中一日就參加了‘Apple Baby星級Happy寶寶封面大招募’活動！

呢個活動系龍媽媽在網上報名，在九龍灣的Mega Box舉行！

當日龍哈仔的拍攝時機在上午，所以龍媽媽一早就到達了，

之後工作人員就將流程表派去龍媽媽參考！

未正式拍攝時，龍哈仔都仲好有精神同笑容！

點知一埋到位對住鏡頭就無反應、無表情，想走去工作坊度玩！

每個參加者都有7分鐘的拍攝時間，

但在呢7分鐘，無論龍媽媽點樣哄龍哈仔，

龍哈仔都系唔笑、無反應，一系想逃走，一系無表情！

在龍媽媽的努力下，攝影師哥哥影了二十幾張相，

但基本上系無張有笑容的，上面呢張系咁多張中唯一一張好少少的，

所以龍媽媽挑選左呢張參賽！

雖然系比賽，但龍媽媽都系本著知在參與的心態參加，

因為今次的比賽系要邀請親朋好友讚好張相，最多Like先勝出，

龍媽媽最唔鐘意參加鬥多Like的活動，所以都無叫朋友Like！

參加下，留個美好回憶就算！

再者，龍哈仔永遠系龍媽媽心目中的男主角和封面主角！

影完相，揀完相，唔洗一分鐘就有相收，可以整相框啦！

一面正經的龍哈仔，其實等住搞搞震，

全程大部分都系龍媽媽整，龍哈仔做指揮！哈哈！

製作品出爐啦！

整完換完禮物，就去了行Mega Box，順便醫肚！

其實龍媽媽真系幾鐘意行Mega Box，除了多野行之外，

最重要幾多小朋友的商店，又有吉之島、宜家等等！

見到張龍椅，立即抱龍哈仔去影返幾張，

左手邊張相，龍哈仔都唔知咩表情，勁搞笑！

其實唔洗坐龍椅，龍哈仔都系我家裡的小皇帝！

除此之外，今期Mega Box的擺設系海洋世界！

幫龍哈仔影多幾張相先！而家就笑容滿載！

其實幫小朋友影相真系好難，呢一刻他仲坐定定，下一刻已經捉到捉唔住！

最後今次收到的禮物，食物為住，超實用，

最開心系收到Face的攝影禮卷，

原先仲想團購攝影套餐，等龍哈仔2歲影多次家庭相，

剛好收到呢個，幾百蚊都慳返！正！

龍媽媽之後應該會去影，影完再同大家分享！