清明時節唔需要掃墓，碰上龍爸爸放假，於是就同龍爸爸以及妹妹一齊北上東門，提前慶祝龍媽媽生日。龍媽媽早在深圳影婚紗照時已經去過東門好幾次，不過自從龍哈仔出世後，龍媽媽已經無再踏足此地，所以今次舊地重遊超開心！
東門真系超多野買，其實當日已經一早出門，可惜勁多人過關，所以差唔多中午到達東門。
清明節當日勁好天氣，非常之熱，所以行2步就勁口渴，都系買杯飲品先，無去東門兩年到，D物價升了超多，人仔已經升上，北上消費已經要差唔多加20%，而物價又升埋，真系無以前咁抵玩！一杯西瓜汁，9蚊人仔一杯，維起港幣十一蚊到！
原本想搜查下東門有咩好野食，不過因為唔想四圍搵，所以決定行到邊食到邊，最後就決定食呢間西餐，環境和服務尚可以，不過內地的食物真系得個樣，款式和賣相抄香港抄到足，
但味道就差天共地！
賣相就真系好得，得味道真系一般般，價錢就和香港差唔多！
食完剛剛的一餐，真系有D美中不足，剛巧妹妹想食甜品，見呢間仙芋世家幾特別，決定入去一試！
行到入去，見到個個人食緊的甜品都超大碗，所以決定買一碗試試味先！果然系台灣連鎖店，真系有信心得多，除了份量超多外，賣相、味道都勁得，芋頭超香，超淋，芋圓勁有口感，配上碗上的刨冰一齊食，就系另一種滋味，真系要推介下，價錢仲唔貴，20蚊人仔有交易。
食飽飽，當然要血拼，其實東門就好似香港的旺角咁，不過龍媽媽就主要去批發城掃平貨！
大手掃貨後當然要醫下肚啦！去了東門小食街，小食街就好似香港的food court一樣，不過它比較特別之處系要先入錢去美食卡中，然後再到自已想買野食的檔位買，D錢就會在美食卡度扣，食完就可以將美食卡退回，它會退返餘額給你！
小吃街無咩特別野食，價錢唔太平！
老公和妹妹想試呢條燒魚，原本系麻辣燒魚，因為食唔到辣所以走辣，一條79蚊人仔，都算幾蚊，不過香港肯定唔止，所以大膽一試！燒魚的味道亦都唔錯，魚肉幾香、幾滑，不過就太多骨，但整體可以接受！
因為要趕返屋企湊龍哈仔，所以食完飯就趕回香港啦！
以上就系龍媽媽今次的戰利品，用了420蚊人仔，大約五百蚊多D港幣！
算系幾抵，大家一齊黎睇下龍媽媽的戰利品啦！
先來的系韓款的中袖外套，照片睇可能睇唔到它的質地，不過龍媽媽見過旺角和銅鑼灣要有賣，賣大約二百幾、三百，龍媽媽買就100蚊人仔！
再來的系韓款的白色套裝，呢個就比較單調d，要配d飾物會好睇好多，不過質地超好，而且只系40蚊人仔，勁抵，二話不說，即入手！
再來的系冬天的原料套裝，相片影出黎會比較成熟，但下身系百摺裙，而且真實物品無咁顯老，配上閃石，For龍媽媽一d隆重的場合。又系一個必敗的價錢，一套系人仔50，大家無睇錯，系50蚊人仔，當問價的時候龍媽媽都以為聽錯，所以明知唔會有太多場合著到，都敗回家！因為唔敗對唔到自已，著一、兩次都抵！
之後就買了D長T-shirt，每件29蚊人仔，龍媽媽知道唔算太平、淘寶可能仲平，但加埋運費可能差唔多，而且無得睇實物，有D驚，所以都系敗了先夏天著。
而右手的裙褲又系勁抵，十五蚊人仔，質地超好，唔會焗身，最重要顯瘦，加上龍媽媽的肥pat pat，好難買褲，所以著呢d可以遮到patpat！
今次的東門之行真系買得超爽，淘寶的價錢，可以見到真貨免去風險。東門買野真系幾抵，食野就真系要留港消費好啦！
沒有留言:
張貼留言