如果有睇過龍媽媽的Blog的朋友們都應該知道龍媽媽有一個好特別的喜好，
就系鐘意提早買定大一、二個碼的衫給龍哈仔！
特別在換季減價的時候！
因為龍媽媽覺得BB衫的款式差唔多，特別系男仔的款式，
所以在減價時候買衫，就可以用街邊的價錢買百貨公司的質素！
今日龍媽媽經過旺角的Gap，見到它做緊減價，除了正價貨品有折外，
最大的優惠就系橙牌的貨品在折扣後可以有額外的半價！
如果Gap在無特價時，原價的價錢龍媽媽絕對唔會買，
因為價錢太貴，根本唔值！
橙牌的時候龍媽媽會考慮一下買唔買！
但當橙牌有半價的時候，龍媽媽絕對要敗下，唔買真系對唔住自已的荷包，
因為咁的價錢和質素，街邊都買唔到！
所以今日買的戰利品，立即新鮮打Blog和大家分享，
優惠去到30號，大家可以去Gap睇下！
龍媽媽買衫給龍哈仔通常會預大一個碼，因為唔知龍哈仔會增高幾多，買大總好過買細！
呢件蝙蝠長袖冷衫，質地唔錯，上手好軟綿，而且厚身，冬天著應該幾暖！
折實後$64，勁抵！
其實龍哈仔家裡已經有好幾件背心，
而龍媽媽明知呢件背心龍哈仔可能淨系著到幾次，
但龍媽媽都要敗回家，系因為個價錢太平啦！
背心質地唔錯，幾厚身，但唔會太重手，最重要系折了之後只系$29，
三十蚊有找，唔理咁多，敗了先！
呢件格仔恤衫又系超值之選，龍媽媽去到得返2件，又有龍哈仔碼數，
雖然比較薄身和沉色，但咁的價錢粗著都抵，折後$24！
之後呢件淺藍色車仔圖案T-Shirt連帽，價錢唔算太平，
不過質地唔錯，而且好少見T-shirt有帽，所以折後$59都可以接受！
之後都呢件玫紅的摺袖襯恤，顏色鮮豔，
系龍媽媽買咁多件衫中最貴的一件，龍媽媽最鐘意它的摺袖設計，
而家龍哈仔都可以穿到，不過衫身比較長！
穿上後幾型仔，折後$69！
之後都呢件有Gap字樣的2色長袖T-shirt，設計簡單有型，
而且質地唔錯，折後$34！
今次旺角分店的Gap的褲款唔多，之前已經買了一條牛仔褲給龍哈仔，
所以無買牛仔褲，轉買呢條藍色長褲給龍哈仔，質地幾厚身！折後都系$29！
最後7件貨品總共300蚊多少少，旺角分店的男童衫褲款比較少，女童比較多，
希望大家鐘意龍媽媽的分享！
沒有留言:
張貼留言