提早慶祝母親節之W Hotel ' s kitchen

 仲有大約兩個星期，母親節就到啦！
由於唔能夠在正日和龍哈仔婆婆慶祝，
所以龍媽媽就提早了在今個星期同龍哈仔婆婆慶祝母親節！
今次選了在W Hotel的kitchen食Lunch buffet！

W Hotel位於圓方商場，港鐵九龍站一出口就到，

而家龍媽媽同龍爸爸一齊帶龍哈仔出街，

好少帶BB車或者揹帶，因為想龍哈仔行多D。

圓方的商場服務勁好，有免費BB車借，

只需要給手提電話它就借到，唔使任何證明！

由於商場太大，所以借了架BB車四圍行！

W Hotel的裝潢真系幾有格調，單系餐廳出面的大堂的裝潢已經好有格調！

Kitchen面向海景，餐廳的環境和氣氛都唔錯！

今次食buffet龍媽媽最讚的地方相信系呢張BB椅，

設計夠曬型和好用，平時出街食飯，張BB椅唔系太舊就系唔安全，

但今次的BB椅又靚又好用，連龍哈仔都超Like，

全程乖乖坐定定，全靠它龍媽媽今餐先有餐安樂茶飯食！

而龍哈仔用的靚靚米奇餐具都系由餐廳提供！

在呢方面龍媽媽真系要讚下它先！

至於食物的款式方面，Kitchen的選擇真系有點少！

特別系冷盤方面，其實以每位258(未計加一)來說，

冷盤海鮮都系得長腳蟹和凍蟹2個選擇來說，真系少得有點過份，

無蠔都算，仲要無青口或者龍蝦…

其實食物區的位置唔算細，

但各類的選擇真系唔太多，魚生有2-3款，主要系三文魚！

熟食有3-4款，有點心、有片皮鴨和沙律等！

坦白說無咩特別的食物種類！食物的味道就不過不失！

甜品方面，甜品桌睇落就好系好多甜品，

但桌上擺於最多的居然系軟糖(即系平時在街買的軟糖)，

龍媽媽真系未見過甜品桌上居然有軟糖，而且系為數不少！

所以其實真正的甜品款式加埋都不超過十款，真系少之有少！

幸好雪糕系Haagen Dazs，總算為這餐Buffet加返D分數！

總括而言呢頓飯主要系食環境、品調！至於食物的味道還可以，

唯一系它的款式太少，而且無咩特別可以推薦的食物！

如果餐廳可以提供更多優惠就好！

Anyway龍婆婆食得好開心，預祝大家母親節快樂！