生日日記(下)之點玲瓏點心專門店

        最近的兼職比較得閒，可以多返少少時間打自已的生活日記，生日當日還要上班，其實可以請假，但之前已經北上東門吃喝玩樂，所以還是乖乖上班吧！

        放了工，龍爸爸就接龍媽媽食晚飯，因為屋企好早開飯，所以龍爸爸一早已經吃過晚飯，所以都系陪陪龍媽媽為主！

        去了家裡的附近的點玲瓏點心專門店，由於系新門張，所以裝潢、格局都唔錯！

食物的款類唔多，連甜品，只有廿多款，因為龍爸爸已吃，所以今次只系叫了4種食物！

香草巴黎汁金球丸 $20

餡料配搭幾特別，食得出有香草味，但香草味唔太濃，龍媽媽覺得個汁多D和濃D比較好，

因為系炸品，雖然新鮮熱辣，夠香口，但偏向乾身，如果能夠配上一個醬汁伴食就更加好！

黑芝麻黃金粒流沙包 $20

用芝麻做包皮，新鮮熱辣辣，幾香幾軟熟! 蛋奶味濃郁和流沙度十足，

唯一美中不足的系芝麻包皮無咩芝麻味！

燒芝麻湯丸$16

龍媽媽最愛吃湯丸，特別愛吃芝麻湯丸，呢個燒湯丸幾特別，

湯丸皮造得幾薄，而芝麻餡幾濃和香口，味道唔錯，唯獨一客得3粒，收費比較貴！

章魚肉餅飯$26

在肉與肉之間有細細粒粒的馬蹄，增加了肉餅的口感，而飯亦蒸得幾軟綿，

配上甜豉油，味道唔錯，分量亦不少！

以上四款食品，連茶錢(它唔收加一，但收每人4蚊茶錢)$90，

價錢一般，唔算太貴，但食物的份量偏細和少！

星期六、日食還可以接受，

但平日龍媽媽咁慳家，當然情願到普通茶樓，

因為呢個價錢可以2個人食到抱住個肚走了！

晚飯後，回家還吃到龍爸爸預先買好的美心蛋糕，

雖然系mini版，但已經夠我們一家吃了！